हिंगोलीच्या मोंढ्यात भुईमुगाच्या शेंगाची आवक वाढल्याने शेंगा रस्त्यावर

भाव ७ हजार  ८०० रुपये,आवक १ हजार ४५० क्विंटल

हिंगोली (Hingoli Groundnut Intake) : येथील कृषी उत्पन्न बाजार  समितीच्या  संत नामदेव मार्वेâट  यार्डात १९ मे मंगळवार रोजी भुईमुगाच्या  शेंगाची आवकमोठ्या  प्रमाणावर झाल्याने  जागेअभावी शेतकर्‍यांना भुईमुगाचे पोते रस्त्यावर टाकण्याची  वेळ  आली होती. वाढत्या उन्हात शेंगाला राखत बसावे लागले.

मोंढ्यामध्ये १ हजार ४५० क्विंटल  शेंगा विक्रीसाठी आल्या होत्या. त्याला ७ हजार  ८००  रुपये क्विंटलचा भाव  मिळाला. येथील बाजार समितीच्या  संत नामदेव मार्केट यार्डात सध्या  हळद, सोयाबीन यासह आता भुईमुगाच्या शेंगाची आवक  सुरु झाली आहे. मंगळवारी मोंढ्यामध्ये (Hingoli Groundnut Intake) भुईमुगाच्या  शेंगा विक्रीसाठी आल्या होत्या.  जिल्ह्यात  इसापूर व सिध्देश्वर धरणाच्या  परिसरातून जाणार्‍या  कालव्याच्या  काठावर शेती असलेल्या  शेतकर्‍यांनी उन्हाळी  पिक म्हणून भुईमुगाची लागवड केली होती. सध्या शेंगाची काढणी सुरु झाली आहे. काढणी केल्यानंतर शेतकर्‍यांनी मोंढ्यामध्ये शेंगा विक्रीसाठी आणल्या आहेत.

जिल्हाभरात भुईमुगाची काढणी सुरु असल्याने  शेतकर्‍यांनी मंगळवारी  मोठ्या  प्रमाणावर शेंगा विक्रीसाठी आणल्या होत्या. प्रमाणापेक्षा आवक वाढल्याने जागेअभावी शेतकर्‍यांना भुईमुगाच्या  शेंगाचे पोते रस्त्यावर टाकण्याची वेळ  आली होती. शेडमध्ये अपुरी जागा  असल्याने शेतकर्‍यांना रस्त्यावर पोते टाकून उन्हामध्ये ताटकळत बसावे लागले. असे चित्र मोंढ्यामध्ये होते.