अवैध देशी दारू वाहतूक करणारी कार पकडली; १३ बॉक्ससह ५.५७ लाखांचा मुद्देमाल जप्त

कळमनुरी (Illegal Liquor Transporting) : स्थानिक गुन्हे शाखा, हिंगोलीच्या पथकाने अवैध देशी दारू वाहतूक करणाऱ्या कारवर कारवाई करत १३ बॉक्स देशी दारूसह ५ लाख ५७ हजार २४० रुपयांचा मुद्देमाल जप्त केला असून दोन आरोपींना ताब्यात घेतले आहे. पोलीस अधीक्षक डॉ. नीलाभ रोहन यांनी डॉ. बाबासाहेब आंबेडकर जयंतीच्या पार्श्वभूमीवर जिल्ह्यात अवैध दारू विक्री व वाहतूक रोखण्यासाठी विशेष कोंबिंग ऑपरेशन राबविण्याच्या सूचना दिल्या होत्या. त्यानुसार ऑलआऊट ऑपरेशन व नाकाबंदी करण्यात आली होती.

दरम्यान, स्थानिक गुन्हे शाखेला मिळालेल्या गोपनीय माहितीनुसार कळमनुरी पोलीस स्टेशन हद्दीत मालेगाव–पुसद मार्गावर संशयित कार थांबवून झडती घेतली असता कारमध्ये अवैधपणे देशी दारूचे १३ बॉक्स वाहतूक करताना आढळून आले. या (Illegal Liquor Transporting) प्रकरणी करण राजू व्हडगीर (रा. अकोला बायपास, हिंगोली) व संजय मनोहर कुरील (रा. खुशाल नगर, हिंगोली) यांना कारसह ताब्यात घेण्यात आले. जप्त केलेल्या मुद्देमालाची एकूण किंमत ५,५७,२४० रुपये इतकी आहे.

याप्रकरणी कळमनुरी पोलीस ठाण्यात गुन्हा दाखल करण्यात आला असून पुढील तपास सुरू आहे. अवैध दारू विक्री व वाहतूक रोखण्यासाठी आणखी कठोर कारवाई करण्यात येणार असल्याचे पोलिसांनी सांगितले. ही कारवाई पोलीस अधीक्षक डॉ. नीलाभ रोहन, अप्पर पोलीस अधीक्षक कमलेश मीना, प्र. उपअधीक्षक मयूर रसाळ व स्थागुशा मोहन भोसले यांच्या मार्गदर्शनाखाली सहाय्यक पोलीस निरीक्षक शिवसांब घेवारे यांच्यासह पोलीस अंमलदार भुजंग कोकरे, गजानन पोकळे, हरिभाऊ गुंजकर, ज्ञानेश्वर गोरे, आकाश टापरे, साईनाथ कंठे, नरेंद्र साळवे, शिवाजी जालमिरे यांच्या पथकाने केली.