हिंगोली (Burglary-Theft Crimes) : जिल्ह्यात अनेक ठिकाणी चोरीच्या घटना घडल्या होत्या. स्थानिक गुन्हे शाखेच्या पथकाने तपासचक्र फिरवून घरफोडी व चोरीचे चार गुन्हे उघड करून १० लाख ७० हजार रुपयाचा मुद्देमाल जप्त केला.
जिल्ह्यातील घरफोडी व चोरीचे गुन्हे उघड करण्याच्या सूचना जिल्हा पोलिस अधिक्षक डॉ. निलाभ रोहण यांनी स्थानिक गुन्हे शाखेच्या पथकाला दिल्या होत्या. १ एप्रिल रोजी गुन्हे शाखेचे पथक हिंगोली शहरात पेट्रोलिंग करीत असताना माला विरूध्दच्या गुन्ह्यातील आरोपींची माहिती देत होते. ज्यामध्ये शेख रेहान शेख शकील रा. आजम कॉलनी हिंगोली याच्यासह अन्य साथिदारांनी हिंगोली ग्रामीण पोलिस ठाणे हद्दितील नर्सी फाट्यावरील शंभू ट्रेडींग कंपनी आडत दुकान, साई ट्रेडींग कंपनी आडत दुकान व लिंबाळा मक्ता येथील सुधन वेअर हाऊस येथील शेतीमाल तुर, सोयाबीन, हळद, हरभर्‍याचे कट्टे चोरले (Burglary-Theft Crimes) असल्याची माहिती मिळाल्याने पथकाने तपासचक्र फिरवून शेख रेहान शेख शकील याला ताब्यात घेतले. त्याची कसुन चौकशी केल्यानंतर हिंगोली ग्रामीण पोलिस ठाणे हद्दितील तीन गुन्हे केल्याची कबुली दिली.
चोरीतील मुद्देमाल व गुन्ह्यात वापरलेले वाहन असा एकुण ५ लाख ४० हजार रुपयाचा मुद्देमाल त्याच्याकडून जप्त करण्यात आला. तसेच १ एप्रिलला स्थानिक गुन्हे शाखेच्या पथकाने गोपनीय माहिती आधारे सय्यद साजिद सय्यद मुजबी रा.मस्तानशहा नगर हिंगोली यास ताब्यात घेऊन त्याने इतर साथिदारासह नर्सी नामदेव पोलिस ठाणे हद्दितील तळणी शिवारातील शेत आखाड्यावरील तुरीचे व हळदीचे कट्टे चोरल्याची कबुली दिल्याने चोरीतील मुद्देमाल व (Burglary-Theft Crimes) गुन्ह्यात वापरलेले वाहन असा एकुण ५ लाख ३० हजार रुपयाचा मुद्देमाल जप्त करण्यात आला. त्याला अटक करून नर्सी नामदेव पोलिसांकडे सुर्पूद करण्यात आले. जिल्ह्यातील तीन चोरी व एक घरफोडीचा गुन्हा स्थानिक गुन्हे शाखेच्या पथकाने उघड केला.
या (Burglary-Theft Crimes) चोरट्याकडून आणखी गुन्हे उघड होण्याची शक्यता वर्तविली जात आहे. ही कार्यवाही जिल्हा पोलिस अधिक्षक डॉ. निलाभ रोहण, अप्पर पोलिस अधिक्षक कमलेश मीना, स्थानिक गुन्हे शाखेचे पोलिस निरीक्षक मोहन भोसले यांच्या मार्गदर्शनाखाली पोलिस उपनिरीक्षक दिलीप मोरे, पांडुरंग राठोड, संदिप जाधव, नितीन गोरे, निरंजन नलवार, धनंजय क्षिरसागर, ज्ञानेश्वर पायघन, शिवाजी इंगोले, मारोती काकडे, प्रदिप झुंगरे यांच्या पथकाने केली आहे.
