१३६१ विद्यार्थ्यांनी दिली शिष्यवृत्तीची परीक्षा; ८३ विद्यार्थी गैरहजर

मानोरा (Scholarship Examination) : शिक्षण विभाग (प्रा.) जिल्हा परिषद वाशिम, पंचायत समिती मानोरा अंतर्गत शिष्यवृत्ती परीक्षा २०२६ इयत्ता ४ थी व इयत्ता ७ वी पेपर साठीची परीक्षा दि. २६ एप्रिल रोजी घेण्यात आली. या परीक्षेसाठी तालुक्यातील १२ परीक्षा केंद्रावरून १३६१ विद्यार्थ्यांनी परीक्षा दिली तर ८३ विद्यार्थी गैरहजर राहिले. (Scholarship Examination) इयत्ता ४ थीच्या परीक्षेसाठी मानोरा पंचायत समिती क्षेत्रात ८ परीक्षा केंद्रांवर एकूण ९१३ विद्यार्थी नोंदणीकृत होते. त्यापैकी ८६५ विद्यार्थी उपस्थित राहिले तर ४८ विद्यार्थी गैरहजर राहिले. सर्वाधिक १७२ विद्यार्थी लोकहित मराठी शाळा, मानोरा केंद्रावर नोंदणीकृत होते. ज्यापैकी १५३ विद्यार्थी उपस्थित राहिले. के.एल.देशमुख माध्यमिक विद्यालय, कारखेडा केंद्रावर ८६ पैकी ८६ विद्यार्थी उपस्थित राहून १०० टक्के उपस्थिती नोंदवली गेली.

 तर इयत्ता ७ वीच्या परीक्षेसाठी ४ परीक्षा केंद्रांवर ५३१ विद्यार्थी नोंदणीकृत होते. त्यापैकी ४९६ विद्यार्थी उपस्थित राहिले तर ३५ विद्यार्थी गैरहजर राहिले. राष्ट्र्माता कन्या विद्यालय, मानोरा केंद्रावर सर्वाधिक १६ विद्यार्थी नोंदणीकृत असून १५६ विद्यार्थी परीक्षेला उपस्थित राहिले. एकूण दोन्ही इयत्तांसाठी १४४४ विद्यार्थ्यांपैकी १३६१ विद्यार्थी परीक्षेला उपस्थित राहिले. (Scholarship Examination) परीक्षेचे काम शांततेत आणि कॉपीमुक्त वातावरणात सुरळीत पार पडले, अशी माहिती गटशिक्षणाधिकारी अनिल पवार पंचायत समिती मानोरा यांनी दिली. लोकहित मराठी शाळेत त्यांनी पाहणी केली असता केंद्र प्रमुख सुधीर काळे, मुख्याध्यापक एस एस मनवर आदीसह त्यांची टीम उपस्थित होती.