हिंगोलीत विघ्नहर्ता चिंतामणी गणपतीची पालखी मिरवणूक उत्साहात

ढोल- ताशांच्या गजरात शहर दुमदुमले..

हिंगोली (Vighnaharta Chintamani Ganpati) : येथील नवसाला पावणारा श्री विघ्नहर्ता चिंतामणी गणपतीची पालखी मिरवणूक गणेश चतुर्थीनिमित्त १४ सप्टेंबर सोमवार रोजी मोठ्या उत्साहात काढण्यात आली. टाळ-मृंदगाच्या  गजरात हि पालखी मिरवणुक शहरातील प्रमुख मार्गावरून श्री विघ्नहर्ता चिंतामणी गणपती मंदिरात विसर्जीत झाली.

शहरातील श्री गणपती मंदिराच्या (Vighnaharta Chintamani Ganpati) वतीने गणेशोत्सवादरम्यान विविध धार्मिक व सांस्कृतिक कार्यक्रमांचे आयोजन करण्यात आले आहे. हिंगोलीचा विघ्नहर्ता चिंतामणी गणपती नवसाला पावणारा म्हणून सर्वदूर प्रसिद्ध असून राज्यभरातील गणेशभक्त येथे दर्शनासाठी येतात. चिंतामणी गणपतीचा मोदोकोत्सव मोठ्या उत्साहात साजरा केला जातो यामध्ये भाविकांची मांदियाळी असते.दरम्यान, गणेश चतुर्थीनिमित्त शासकीय विश्रामगृहा जवळून पालखी मिरवणुकीला  प्रारंभ  झाला. शहरातील प्रमुख मार्गावरून हि मिरवणुक ढोल-ताशा व टाळ-मृदंगाच्या गजरात  काढण्यात आली. यावेळी बाल वारकर्‍यांनी सर्वांचे लक्ष वेधून घेतले होते.

या (Vighnaharta Chintamani Ganpati) पालखी सोहळ्यात नगराध्यक्षा रेखाताई श्रीराम बांगर, शिवसेनेचे गटनेते तथा नगरसेवक श्रीराम बांगर, नगरसेवक कपील खंडेलवाल  पहेलवान यांच्यासह संस्थानचे सचिव दिलीप बांगर, अध्यक्ष सतीश  लोहिया, पवन मुदंडा,सुरज व्यास, मनोज  दावनगिरे, पप्पु घन,मिलींद राजुरकर, अभय जोशी,  लक्ष्मीकांत  पाठक, प्रेमचंद  जैस्वाल, बद्री मुदंडा, धनंजय मिस्कीन, विजय घन, विद्याधर  डोईफोडे, अनिल बिडकर,  किशोर मिस्कीन, अजय घाटोळे  यांच्यासह भाविक मोठ्या संख्येने उपस्थित होते.