पर्यटकांसाठी ठरणार आकर्षणाचा केंद्रबिंदू
हिंगोली (Hingoli Jaleshwar Lake) : हिंगोली शहराच्या वैभवात भर घालणाऱ्या ऐतिहासिक जलेश्वर तलावाचे सुशोभीकरण अंतिम टप्प्यात आले आहे. खोलीकरणानंतर तलावात मोठ्या प्रमाणात पाणी साचले असून, सुरक्षेच्या दृष्टीने तलावाभोवती मजबूत लोखंडी कठडे बसवण्यात आले आहेत. यामुळे तलाव पूर्णपणे संरक्षित झाला आहे. (Hingoli Jaleshwar Lake) जलेश्वर महादेव मंदिर परिसरात असलेल्या या तलावाच्या खोलीकरणाचे काम पूर्ण झाल्याने पाणीपातळीत लक्षणीय वाढ झाली आहे. कोणतीही दुर्घटना टाळण्यासाठी व पाण्याचे संरक्षण करण्यासाठी पाण्यालगत लोखंडी कठडे उभारण्यात आले आहेत. हे कठडे केवळ सुरक्षितताच देत नाहीत, तर तलावाच्या सौंदर्यातही भर घालत आहेत. आता सर्व बाजूंनी तलावाचे मनोहारी दर्शन घेता येणार आहे.
या (Hingoli Jaleshwar Lake) प्रकल्पांतर्गत तलावाच्या बाजूने रुंद रस्ता, वॉकिंग ट्रॅक, भव्य सभागृह आणि नागरिकांना बसण्यासाठी विशेष जागांची निर्मिती करण्यात येत आहे. तलावाच्या मध्यभागी महादेवाची भव्य मूर्ती उभारणे, संरक्षण भिंत बांधणे आणि गाळ काढण्याची कामेही योजनेत समाविष्ट आहेत. जलेश्वर मंदिर आणि सुशोभित तलावाचा नयनरम्य परिसर लवकरच हिंगोलीकरांसह बाहेरील पर्यटकांनाही आकर्षित करेल, असा विश्वास व्यक्त होत आहे. विरंगुळ्यासाठी येणाऱ्या नागरिकांसाठी हे ठिकाण हक्काचे ठिकाण ठरणार आहे. शहराच्या मध्यभागी निसर्ग आणि अध्यात्माचा संगम घडवणारा हा (Hingoli Jaleshwar Lake) प्रकल्प हिंगोलीच्या सौंदर्यात नक्कीच मोलाची भर टाकेल.
