गाईचा मृत्यू, बछडा सुरक्षित
हिंगोली (Hingoli Dog Attack) : शहरातील गवळीपुरा भागातील पवन चिन्नुलाल मंडले पैलवान यांच्या गाईची 22 एप्रिल रोजी सकाळच्या सुमारास प्रसूती झाली होती. या गाईने बछड्याला जन्म दिल्यानंतर काही वेळात रस्त्यावरून भटकणाऱ्या मोकाट कुत्र्याने अचानक गाईवर हल्ला चढविला. प्रसूतीमुळे गायीची अवस्था बिकट झाली होती. या कुत्र्याने केलेल्या हल्ल्यामुळे प्रसूती झालेली गाय गंभीरित्या जखमी झाली.
कुत्र्याच्या हल्ल्याने काही वेळातच गाईचा मृत्यू झाला. (Hingoli Dog Attack) आजूबाजूच्या नागरिकांनी कुत्र्याला हाकलून दिल्यानंतर बछड्याला बाजूला सारले गाईने बछड्याला जन्म दिला परंतु कुत्र्याच्या हल्ल्यामुळे तिचा जीव गेला. अशा मोकाट कुत्र्यांचा नगरपालिका प्रशासन केव्हा बंदोबस्त करणार असा प्रश्न उपस्थित केला जात आहे.
