मंत्री परिवारातर्फे दर्शनार्थीं साठी सोय
हिंगोली (Hingoli Water Cooler) : श्री संकटमोचन हनुमान मंदिर मंडल, हिंगोली येथे स्व. कृष्णमुरारी गोविंदलाल मंत्री यांच्या कुटुंबीयांच्या वतीने भाविकांसाठी थंड पाण्याच्या वाटर कुलरची सुविधा उपलब्ध करून देण्यात आली. आज 20 मे रोजी सायंकाळी 6.30 वाजता झालेल्या दैनंदिन आरतीनंतर या वाटर कुलरचे पूजन करून लोकार्पण करण्यात आले.
मंत्री परिवाराच्या हस्ते आरती संपन्न झाल्यानंतर मंदिर परिसरात वाटर कुलरची विधिवत पूजा करण्यात आली. यावेळी श्री संकटमोचन हनुमानजी मंदिर मंडळाचे सर्व सदस्य, पदाधिकारी व भाविक मोठ्या संख्येने उपस्थित होते. पूजाविधी पूर्ण झाल्यावर उपस्थित सर्व भाविकांना थंड पाण्याचे वाटप करण्यात आले.
उन्हाळ्याच्या पार्श्वभूमीवर मंदिरात दर्शनासाठी येणाऱ्या भाविकांची गैरसोय होऊ नये. या उदात्त हेतूने मंत्री परिवाराने ही सुविधा उपलब्ध करून दिली. (Hingoli Water Cooler) मंदिर मंडळाने मंत्री परिवाराच्या या उपक्रमाचे स्वागत करून आभार मानले. दररोज सायंकाळी 6.30 वाजता होणाऱ्या दैनंदिन आरतीस सर्व भाविकांनी उपस्थित राहावे, असे आवाहन मंदिर मंडळ हिंगोलीच्या वतीने करण्यात आले आहे.
