अप्पर पोलीस अधीक्षक कमलेश मीना यांच्या पथकाची कामगिरी
हिंगोली (Hingoli illegal sand) : शहरामध्ये अप्पर पोलिस अधिक्षक कमलेश मीना यांच्या कार्यालयातून पथकाने नांदेड नाक्यावर अवैध रेतीसह टिप्पर पकडून हिंगोली शहर पोलिसात गुन्हा दाखल केला. ३ ऑगस्टला पहाटे ५ च्या सुमारास नांदेड नाक्यावर अप्पर पोलिस अधिक्षक कमलेश मीना यांच्या कार्यालयातील संदिप पवार, अर्जुन यादव, सतिश नरवाडे, जगन पवार यांच्या पथकाने हिंगोली शहरातील इंदिरा नगर भागात जात असताना एका पिवळया रंगाचे टिप्पर पकडले.
हे टिप्पर रूपूर येथून अवैध रेती भरून चोरटी विक्री करण्याकरीता येत होते. कर्मचार्यांनी चालकाचे नाव विचारले असता शेख असलम शेख सलाम रा. रोहीदास वार्ड वाशिम असे सांगितले. या टिप्परमध्ये अवैध रेती मिळून आली. या प्रकरणी हिंगोली शहर पोलिसात अर्जुन यादव यांच्या फिर्यादीवरून शेख असलम शेख सलाम याच्यावर गुन्हा दाखल करण्यात आला. या कारवाईत १२ लाख १२ हजार ५०० रुपयाचा मुद्देमाल जप्त करण्यात आला. पोलिस अधिक्षक डॉ. श्रेणिक लोढा, अप्पर पोलिस अधिक्षक कमलेश मीना यांच्या मार्गदर्शनाखाली ही कारवाई करण्यात आली.
