ऑपरेटरना किमान वेतन देण्याची मागणी आ. डॉ. राहूल पाटील यांनी मंत्र्यांना सुनावले...!
परभणी (MLA Dr. Rahul Patil) : विधानसभेत मंत्री जयकुमार गोरे यांनी संगणक ऑपरेटरांना 'उद्योजक' संबोधत शासनाने २० हजार उद्योजक घडविल्याचा दावा करताच आ. डॉ.राहुल पाटील यांनी संताप व्यक्त केला. केवळ १० हजार रुपयांवर बारा तास काम करणार्‍या संगणक ऑपरेटरांना 'उद्योजक' म्हणून त्यांची दिशाभूल करु नका, अशा शब्दात सुनावत आ.डॉ. पाटील यांनी ऑपरेटरना किमान १७ हजार रुपये वेतन देण्याची मागणी केली.
विधानसभेच्या अधिवेशनात संगणक ऑपरेटरांच्या वेतनावर आ. डॉ. पाटील यांनी प्रश्न मांडला. यावर उत्तर देताना ग्रामविकास मंत्री जयकुमार गोरे यांनी संगणक ऑपरेटर हे उद्योजक असल्याचा अजब दावा केला. यावर आ.डॉ. पाटील यांनी मंत्री गोरे यांना चांगलेच धारेवर धरत हल्लाबोल केला. ते म्हणाले की, ग्रामपंचायतीत नागरिकांना जन्म, मृत्यू, उत्पन्न, रहिवासी अशी विविध प्रमाणपत्रे काढून देणे ही सेवा झाली, पण त्याला व्यापार कसा म्हणायचा ? आणि ही सेवा देणार्‍या तरुणांना उद्योजक कसं म्हणायचं? केवळ कंत्राटी पद्धतीने काम करून घेऊन त्यांच्यावर 'उद्योजक' हा शिक्का मारणे म्हणजे त्यांच्या वास्तवापासून पळ काढण्याचा प्रयत्न आहे.
संगणक ऑपरेटरांना उद्योजक म्हणून त्यांची दिशाभूल करू नका.अशा शब्दात मंत्री गोरे यांना सुनावले. आ. पाटील पुढे म्हणाले,मोठ्या कंपन्यांचे प्रशिक्षण किंवा प्रमाणपत्र मिळाले म्हणून कोणी उद्योजक होत नाही! महिन्याला केवळ १० हजार रुपयांवर, दिवसाचे १२-१२ तास काम करणार्‍या तरुणांना उद्योजक म्हणणे म्हणजे त्यांच्या संघर्षाची थट्टा करण्यासारखे आहे. खरोखरच ते कामगार नाहीत, तर मग त्यांच्याकडून एवढे तास काम का करून घेतले जातात? आणि जर ते कामगार आहेत, तर त्यांना श्ग्हग्स्ल्स् ेंaुो Aम्ू अंतर्गत संरक्षण का दिले जात नाही ? अशा स्पष्ट शब्दांत जाब विचारला. संगणक ऑपरेटरांना किमान १७ हजार रुपये वेतन देण्याची ठाम मागणी केली. सरकारने दिखाऊ दावे सोडून संगणक ऑपरेटरांना न्याय द्यावा.अशी मागणी केली.
