शिवराज्याभिषेक दिनानिमित्त भव्य रक्तदान शिबिर उत्साहात; ४५ रक्तदात्यांचा सहभाग

नीलकमल गणेश मंडळ व आई तुळजाभवानी मित्र मंडळाचा सातत्यपूर्ण सामाजिक उपक्रम

चिखली (Chikhali Blood Donation Camp) : छत्रपती शिवाजी महाराजांच्या शिवराज्याभिषेक दिनानिमित्त जुने गाव येथील श्री अंधेरा महादेव मंदिर परिसरात निलकमल गणेश मंडळ, आई तुळजाभवानी मित्र मंडळ व समस्त जुने गाव मित्र परिवार यांच्या संयुक्त विद्यमाने आयोजित भव्य रक्तदान शिबिर उत्साहात संपन्न झाले. शिबिरात ४५ रक्तदात्यांनी स्वयंस्फूर्तीने रक्तदान करून समाजाप्रती आपली बांधिलकी जपली.

रक्तदान (Chikhali Blood Donation Camp) हे सर्वश्रेष्ठ दान मानले जाते. एका रक्तदात्यामुळे अनेक गरजू रुग्णांना जीवनदान मिळू शकते. अपघातग्रस्त, शस्त्रक्रियेसाठी दाखल रुग्ण, थॅलेसेमिया बाधित बालके तसेच विविध आजारांवर उपचार घेणाऱ्या रुग्णांसाठी रक्ताची सातत्याने आवश्यकता असते. विशेषतः उन्हाळ्यात अनेक रक्तपेढ्यांमधील रक्तसाठा कमी होण्याची शक्यता असते. अशा परिस्थितीत रक्तदान शिबिरांमधून जमा होणारा रक्तसाठा अनेक गरजू रुग्णांसाठी मोठा आधार ठरतो.

विशेष म्हणजे, निलकमल गणेश मंडळ आणि आई तुळजाभवानी मित्र मंडळ गेल्या सात वर्षांपासून नियमितपणे रक्तदान शिबिरांचे आयोजन करीत असून सामाजिक सेवेत आपले वेगळे स्थान निर्माण केले आहे. युवकांमध्ये रक्तदानाबाबत जागृती निर्माण करण्यासह समाजहिताचे विविध उपक्रमही ही मंडळे राबवत असतात.

या (Chikhali Blood Donation Camp) शिबिरात कार्तिक अशोक वाघ, गोपाल मदन महाजन, रविंद्र मदन महाजन, ऋषिकेश नंदकिशोर देशमुख, वैभव विष्णू चव्हाण, गोपाल सुभाष चव्हाण, जीवन विलास चिडे, रामेश्वर साहेबराव देशमुख, संतोष निबराव देशमुख, शेखर दिलीप कराळे, रोहन विनोद देशमुख, लोकेश रंगराव देशमुख, सुमित गजानन देशमुख, गोपाल रामकिसन मिसाळ, विलास परसराम चव्हाण, अजय गजानन देशमुख, दुर्गादास भगवान मोरे, ईशात शशांक उदावंत, अभिषेक जगदीश मंडलिक, मंगेश सुनील देशमुख, निखिल राजेश सोनुने, गणेश उद्धवराव देशमुख, ओमप्रकाश रामेश्वर लेंढे, चेतन सुभाष चव्हाण, विजय विष्णू सपकाळ, रितेशकुमार हंसराज भोजवाणी, विकास दिलीप साळवे, मयूर सुनील पवार, दत्तात्रय बळीराम मोळवणे, शुभम अरुण शिगंणे, राजेश रंगराव देशमुख, चेतन बाबुराव निर्मळे, जगदीश नंदकिशोर जगताप, मनीष शिवाजी कुटे, रविंद्र किशोर कराळे, राहुल कुडलिक देशमुख, अमोल नंदकिशोर कळसकर, सागर नामदेवराव देशमुख आदींनी रक्तदान केले. रक्तदात्यांच्या उत्स्फूर्त प्रतिसादामुळे शिबिर यशस्वी ठरले असून या उपक्रमाचे परिसरातील नागरिकांकडून कौतुक होत आहे.