महाराष्ट्र प्रज्ञा शोध परीक्षेच्या निकाल नुकताच जाहीर झाला असून, यामध्ये उमरखेड येथील मॉडर्न पब्लिक इंग्लिश स्कूलचा विद्यार्थी आदर्श अनिल वानखेडे याने देदीप्यमान यश संपादन केले आहे.
उमरखेड (Student Success) : महाराष्ट्र प्रज्ञा शोध परीक्षेच्या निकाल नुकताच जाहीर झाला असून, यामध्ये उमरखेड येथील मॉडर्न पब्लिक इंग्लिश स्कूलचा विद्यार्थी आदर्श अनिल वानखेडे याने देदीप्यमान यश संपादन केले आहे. त्याने या परीक्षेत १५० पैकी १४६ गुण मिळवून यवतमाळ जिल्ह्यातून दुसरा क्रमांक पटकावला आहे.
आदर्श हा सध्या मॉडर्न पब्लिक इंग्लिश स्कूलमध्ये दुसर्या वर्गात शिक्षण घेत आहे. अत्यंत लहान वयात त्याने मिळवलेल्या या यशाबद्दल त्याचे सर्वत्र कौतुक होत आहे. त्याच्या या यशाबद्दल शाळेचे मुख्याध्यापक, शिक्षक आणि पालकांनी त्याचे अभिनंदन केले असून त्याच्या पुढील वाटचालीस शुभेच्छा दिल्या आहेत.