कुटुंब घरामध्ये झोपलेले असताना शॉर्टसर्किटमुळे लागली आग

खानापूर चित्ता (House Short Circuit Fire) : एकीकडे मृग नक्षत्र कोरडे जात असल्याने पहिलाच बळीराजा हवालदिल झाला असताना त्यातच शॉर्टसर्किटमुळे घराला आग लागून घरातील संसार उपयोगी वस्तू, पेरणीसाठी आणलेले बी, बियाणे खतासह पूर्ण घरच आगीने खाक झाल्याने बळीराजा अडचणीत सापडला आहे.

 हिंगोली तालुक्यातील टाकळी टी एन येथील शेतकरी सुधाकर रामजी धनवे हा तीन एकर शेतीवर आपल्या कुटुंबाचा उदरनिर्वाह चालून त्याला जोडधंदा म्हणून गावाजवळील खेड्यापाड्याला जाऊन कटलरी विकण्याचा व्यवसाय करीत आपला उदरनिर्वाह हाकत असताना अचानकच शॉर्टसर्किटमुळे घराला आग लागून पूर्ण घर खाक झाले आहे. वीस जूनच्या रात्री सर्व कुटुंब झोपेत असताना 21 जून लागताच अंदाजे दोन ते दोन तीस च्या दरम्यान  कुटुंब झोपेतच असताना घराला अचानक शॉर्टसर्किटने आग लागल्यामुळे घरातील संसार उपयोगी वस्तू, पेरणीसाठी आणलेले बी बियाणे खत यासह कटलरी चा व्यवसाय करण्यासाठी आणलेले अंदाजे 65 ते 70 हजार रुपये किमतीचे  कटलरी सामान लागलेल्या आगीमध्ये खाक झाले आहे.

रात्रीच्या वेळेस अचानक आग लागल्याने सैरावैरा झालेले धनवे कुटुंब झोपेतून उठून रस्त्यावर आले. रस्त्यावर येतात  "आग विझवा आग विझवा " असे म्हणत ओरड केली असता शेजारील असलेल्या नागरिकांनी आग विझवण्याचा आटोकाट प्रयत्न केला. परंतु बघता बघता पूर्ण घराने आग घेतल्याने आग विझवे पर्यंत घरातील पूर्ण साहित्यसह घरच खाक झाले. सदरील घटनेची माहिती महसूल विभागाला दिली असून महसूल विभागाचे महसूल मंडळ अधिकारी, ग्राम महसूल अधिकारी पंचनामा करण्यासाठी येणार असल्याचे धनवे यांनी सांगितले. एकंदरीत धनवे कुटुंबावर दुःखाचा डोंगर कोसळा असून आज घडीला हे कुटुंब रस्त्यावर आली आहे.