रिसोड तालुक्यातील सरपंच पदाच्या पोटनिवडणूक निकाल घोषित

रिसोड (Risod Sarpanch by-election) : तालुक्यातील पिंपरखेड / वाडी व वडजी या गावातील सरपंच पदाच्या पोटनिवडणूक निकाल दिनांक 29 एप्रिल रोजी सकाळी घोषित करण्यात आला. या दोन्ही गावासाठी दिनांक 28 एप्रिल रोजी मतदान झाले होते. रिसोड तहसील कार्यालयांमध्ये सदर निवडणूक मतमोजणी करण्यात आली. यामध्ये पिंपरखेड / वाडी येथून सुनिता दीपक जायभाय यांनी  शारदा दत्ता घुगे यांचा 52 मतांनी पराभव केला. वडजी येथून गजानन नरसिंगराव देशमुख यांनी केशवराव श्रिरंगराव बोरकर यांचा 344 मतांनी पराभव केला. निवडणूक निकालानंतर विजय उमेदवारांनी आपापल्या गावात जल्लोष साजरा केला. गुलाल उधळून पेढे वाटून आतिषबाजी व विजयाच्या घोषणांनी गाव अक्षरशा धुंदुमले होते.

पिंपरखेड वाडी येथे उमेदवारांना मिळालेली मते:
सुनिता जायभाय 336
शारदा घुगे         284
नोटा                   11
एकूण मते         631

वडजी येथे उमेदवारांना मिळालेली मते:
गजानन देशमुख     634
केशवराव बोरकर    290
नोटा                          8
एकूण मते              932