Cooperative Bank Election: रिसोडमध्ये सहकारी बँकेच्या निवडणुकीत पूर्ण 100% मतदान झाले. आज निकाल जाहीर होणार असून अमित झनक यांच्या मातोश्री शोभा झनक यांच्या विजयाची शक्यता.
रिसोड (Cooperative Bank Election) : अत्यंत अटीतटीची व प्रतिष्ठित मानली जाणारी अकोला-वाशिम जिल्हा मध्यवर्ती सहकारी बँकेच्या संचालक मंडळाच्या निवडणुकीसाठी आज 29 मार्च रोजी मतदान प्रक्रिया पार पडली. रिसोड शहरातील श्री शिवाजी विद्यालय व कनिष्ठ महाविद्यालय येथे सकाळपासूनच मतदारांनी मतदान केंद्रावर पोचून आपले मतदानाचा हक्क बजावला.उन्हाची तीव्रता लक्षात घेता मतदारांनी सकाळीच मतदानासाठी उत्साह दाखवला.
साडेबारा वाजेपर्यंत सर्व ७४ मतदारांनी मतदानाचा हक्क बजावल्याने तालुक्यात शंभर टक्के मतदान झाले. या (Cooperative Bank Election) निवडणुकीत सेवा सहकारी सोसायटी मतदारसंघातील थेट लढतीकडे सर्वांचे लक्ष लागले आहे. आमदार अमित झनक यांच्या मातोश्री शोभा झनक आणि कृषी उत्पन्न बाजार समितीचे माजी सभापती गजानन पाचरणे यांचे पुत्र डॉ. विठ्ठल पाचरणे यांच्यात सरळ सामना रंगला आहे. काँग्रेस विरुद्ध महायुती अशी ही प्रतिष्ठेची लढत ठरली असून आजी-माजी पदाधिकाऱ्यांची प्रतिष्ठा पणाला लागली आहे.
दरम्यान, पोलिसांच्या कडक बंदोबस्तात मतदान प्रक्रिया शांततेत पार पडली. या (Cooperative Bank Election) चुरशीच्या लढतीत मतदारांचा कौल कोणाच्या पारड्यात पडतो, याकडे सर्वांचे लक्ष लागले असून मतमोजणी सकाळी दहा वाजता जिल्हा परिषद कर्मचारी भवन सिव्हिल लाईन अकोला होणार आहे. या निवडणुकीचा निकाल 30 मार्च 12 वाजेपर्यंत जाहीर होणार असून आमदार अमित झनक यांच्या मातोश्री शोभा झनक यांच्या विजयाची शक्यता वर्तवली जात आहे.