पेडगाव ग्रा.पं. च्या मयत कंत्राटी कर्मचार्‍याच्या वारसांना ५० लाखांची मदत

परभणी (Pedgaon Grampanchayat ) : तालुक्यातील पेडगाव ग्रामपंचायतीचे कंत्राटी पाणीपुरवठा कर्मचारी स्व. प्रसाद बाबूराव गायकवाड यांच्या वारसांना अखेर ५ वर्षांनंतर महाराष्ट्र शासनाकडून ५० लाख रुपयांची सानुग्रह आर्थिक मदत मंजूर झाली आहे. आ. राजेश विटेकर यांच्या सहकार्याने आणि राष्ट्रवादीचे पाथरी विधानसभा अध्यक्ष संतोष देशमुख यांच्या सातत्यपूर्ण पाठपुराव्यामुळे पिडित कुटूंबियाना आधार मिळाला आहे. 

कोविड-१९ (कोरोना) संबंधित कर्मचार्‍याचे  कर्तव्य बजावताना  २१ मे  २०२१ मध्ये निधन झाले होते. त्यानंतर त्यांच्या कुटुंबाला मदत मिळावी यासाठी सातत्याने प्रयत्न सुरू होते. ग्रामविकास विभागाने २९ मार्च रोजी पारित केलेल्या शासन निर्णयानुसार ही आर्थिक मदत मंजूर करण्यात आली. या (Pedgaon Grampanchayat)  निर्णयाची प्रत राष्ट्रवादीचे नेते संतोष देशमुख यांच्या हस्ते स्व. गायकवाड यांच्या पत्नी रुक्मिणीबाई प्रसादराव गायकवाड यांना देण्यात आली.

यावेळी आ. राजेश विटेकर यांनी दूरध्वनीवरून कुटुंबाशी संवाद साधत त्यांना धीर दिला.  याप्रसंगी गायकवाड कुटूंबातील सदस्यांसह पेडगांवचे चेअरमन दिपक देशमुख, बाळासाहेब देशमुख, प्रा.रवी मोरे, माजी जि.प.सदस्य मुंजाभाऊ गायकवाड, उपसरपंच गोपाळ देशमुख, (Pedgaon Grampanchayat)  ग्रा.पं.सदस्य दिपक देशमुख, पुरुषोत्तम देशमुख, चेतन देशमुख, अमोल देशमुख, फकीर गायकवाड, दिपक गायकवाड, श्रीरंग देशमुख, लक्ष्मण गायकवाड, पांडुरंग देशमुख, उद्धव गायकवाड, मधुकर गायकवाड, नितीन गायकवाड, संजय गायकवाड यांच्यासह गावकर्‍यांची उपस्थिती होती.

या आर्थिक मदतीमुळे गायकवाड कुटुंबाला मोठा आधार मिळणार असल्याची भावना उपस्थितांनी व्यक्त केली.  मागील चार वर्षांपासून सुरू असलेल्या पाठपुराव्यामुळे, दिवंगत उपमुख्यमंत्री तथा अर्थमंत्री अजित पवार यांच्या माध्यमातून २९ मे २०२० च्या शासन निर्णयाच्या अधीन राहून ही मदत मंजूर करण्यात आली होती.