पातूर नगरपरिषदेच्या स्वीकृत सदस्यपदी सय्यद नईम सय्यद यासीन व रफिकुद्दीन सय्यद तहजीबुद्दीन सौदागर यांची निवड

पातूर (Patur Municipal Council) : पातूर नगर परिषदेच्या स्वीकृत सदस्यपदासाठी मंगळवारी आयोजित विशेष सभेत दोन सदस्यांची बिनविरोध निवड करण्यात आली. या निवडीत काँग्रेस-उद्धव बाळासाहेब ठाकरे (उबाठा) आघाडीच्या वतीने सय्यद नईम सय्यद यासीन, तर विकास योद्धा मंच आघाडीच्या वतीने रफिकुद्दीन सय्यद तहजीबुद्दीन सौदागर यांची स्वीकृत सदस्य म्हणून निवड झाली.

विशेष सभेत काँग्रेस-उबाठा आघाडीचे गटनेते हिदायत खान रूम खान यांनी सय्यद नईम सय्यद यासीन यांच्या नावाचा लेखी नामनिर्देश पीठासीन अधिकाऱ्यांकडे सादर केला. तसेच विकास योद्धा मंच आघाडीचे गटनेते सय्यद मुज्जमील सय्यद जमाल यांनी रफिकुद्दीन सय्यद तहजीबुद्दीन सौदागर यांच्या नावाचा नामनिर्देश सादर केला.

दोन्ही उमेदवारांचे नामनिर्देशन वैध ठरल्यानंतर दोन्ही गटाचे संख्याबळा नुसार पातूर नगर परिषदेच्या स्वीकृत सदस्यपदी बिनविरोध निवड झाल्याची घोषणा पीठासीन अधिकाऱ्यांनी केली.या विशेष सभेला नगराध्यक्ष हिदायत खान रूम खान यांच्यासह शितल पोहरे, मोहम्मद शाकीर, आनंदा तायडे, सुनीता वाघमारे, सय्यद सद अहमद अ्जगर खान, सुफिया सदफ शै उस्मान,मो. महेताब अब्दुल रऊफ,ममता राजेश खोडे, हुसेनाबी सै अजीम, अश्विनी पाटील, तुळसाबाई गाडगे, डॉ. सय्यद वसीमोउद्दीन, बुशरा अंजुम मोहम्मद अलीमोद्दीन, शाहीजा परवीन मोहम्मद कैसर, कमरुजंम्मा खान अदिल खान मोहम्मद फैज, मोहम्मद मकसूद,सरबत जबीन सय्यद मुजाहिद इकबाल, सय्यद मुजम्मिल, सय्यद जमाल, शाहिस्ता फिरदोस, मोहम्मद इरफान आदी नगरसेवक उपस्थित होते.