परभणीत आजाराला कंटाळून उंदीर मारण्याचे रसायन पिल्याने उपचारादरम्यान मृत्यू

नवा मोंढा पोलिसात ऑटो चालकाच्या मृत्यूची नोंद

परभणी (Parbhani Auto Driver Death) : सोरायसीसच्या आजाराला कंटाळून अ‍ॅटो चालकाने उंदीर मारण्याचे विषारी रसायन घेतले. ऑटो चालकाला उपचारासाठी रुग्णालयात दाखल करण्यात आले. उपचारा दरम्यान त्याचा मृत्यू झाला. या प्रकरणी नवा मोंढा पोलिसात २७ जुलै रोजी अकस्मात मृत्युची नोंद करण्यात आली आहे. 

बंडू मगर यांनी खबर दिली आहे. दत्ता नामदेव मगर वय ४६ वर्ष, रा. राजेंद्रगिरी नगर असे मयताचे नाव आहे. खबर देणारे यांचे भाऊ दत्ता यांनी सोरायसीस आजाराच्या त्रासाला कंटाळून उंदीर मारण्याचे विषारी रसायन अंडाभुर्जीमध्ये टाकून खाल्ले. त्यांना उपचारासाठी परभणी येथील खाजगी रुग्णालयात दाखल करण्यात आले. उपचारा दरम्यान २७ जुलै रोजी दुपारी अडिचच्या सुमारास सदर (Parbhani Auto Driver Death) इसमाचा मृत्यू झाला. प्रकरणाचा तपास पोह. सचिन बोरसुडकर करत आहेत.

चक्कर आल्याने तरुणाचा मृत्यू
परभणी : चक्कर आल्याने एका ३४ वर्षीय तरुणाला उपचारासाठी खाजगी रुग्णालयात दाखल करण्यात आले. मात्र तरुणाचा मृत्यू झाला. ही घटना २७ जुलै रोजी सायंकाळी पाच वाजता घडली. विशाल डोईफोडे यांनी खबर दिली आहे. विक्रम डोईफोडे वय ३४ वर्ष, रा. क्रांती नगर परभणी, असे मयताचे नाव आहे. कोतवालील पोलिसात अकस्मात मृत्युची नोंद करण्यात आली असून तपास पोह. माने करत आहेत.