Wild Boar Attack: कळमनुरी तालुक्यातील भाटेगाव शेतशिवारात शेतामध्ये काम करत असताना सोमाजी किसन वानोळे हा शेतकरी रानडुकरच्या हल्ल्यात जखमी झाला.
डोंगरकडा (Wild Boar Attack) : कळमनुरी तालुक्यातील भाटेगाव शेतशिवारात शेतामध्ये काम करत असताना सोमाजी किसन वानोळे हा शेतकरी रानडुकरच्या हल्ल्यात जखमी झाला. शेतकर्यांनी जीवाची परवा न करता देखील त्याने त्या रानडुक्करास झटापट करून पकडले. आणि आरडा ओरड केला तेंव्हा आजू -बाजूला असलेले काही शेतकरी धावत आले आणि त्या सर्वांनी मिळून त्या डुकरास पकडले असल्याची घटना घडली.
भाटेगाव येथील शेत शिवारात शेतकरी सोमाजी वानोळे हा २७ जून रोजी सायंकाळी ७:३० च्या सुमारास घराकडे येत होता. तेंव्हा त्याच्यावर रानडुक्कराणे हल्ला केला, त्यात तो जबर जखमी सुद्धा झाला. डुकराच्या हल्ल्यात जखमी होऊन सुद्धा हिंमत न हारता त्याने त्याची मान पकडली आणि त्याच्यावर स्वार झाला त्यातच त्याने आरडा ओरड केला असता आजू -बाजूला असलेले शेतकरी धावत आले.आणि त्या सर्वांनी मिळून त्या डुकरास दोर खंडाच्या साह्याने बांधून ठेवले. (Wild Boar Attack) जखमी सोमाजी वानोळे ह्यास नांदेड येथील रुग्णालयात उपचारासाठी दाखल करण्यात आले आहे.