आंतरराष्ट्रीय योग दिन उत्साहात साजरा; 'योग करा, निरोगी रहा'चा संदेश

नागपूर/ तारोडी खुर्द (International Yoga Day) : नगरपंचायत बिडगाव-पांढुर्णा-तारोडी खुर्द अंतर्गत आंतरराष्ट्रीय योग दिन 2026 मोठ्या उत्साहात साजरा करण्यात आला. "योग करा, निरोगी रहा – स्वस्थ भारत, सशक्त भारत!" या घोषवाक्याखाली आयोजित कार्यक्रमात नागरिकांनी उत्स्फूर्त सहभाग नोंदविला.

एकता प्रधानमंत्री आवास योजना, खासरा क्र. 63, प्रभाग क्र. 14 येथे आयोजित करण्यात आलेल्या या (International Yoga Day) कार्यक्रमाचे नेतृत्व शुभांगीताई उमरेडकर यांनी केले. योगाभ्यासाद्वारे शारीरिक व मानसिक आरोग्य जपण्याचा संदेश उपस्थितांना देण्यात आला.

या (International Yoga Day) कार्यक्रमास प्रमुख उपस्थिती म्हणून नगराध्यक्ष वीरू जमगडे, उपाध्यक्ष तथा सभापती निकेश कातुरे, सभापती संतोष तिजारे, प्रीतम बोकडे, भाजप नागपूर जिल्हा महामंत्री अनिल निदान, जिल्हा मंत्री रमेश चिकटे, कामठी तालुका अध्यक्ष सचिन घोडमारे, महिला अध्यक्ष नेहा ताई राऊत, भाजप बिडगाव अध्यक्ष गोपाल कुमेरिया, महामंत्री मोहन पत्रिकर, कामगार आघाडी महामंत्री कल्पना चव्हाण यांच्यासह परिसरातील नागरिक मोठ्या संख्येने उपस्थित होते.

यावेळी उपस्थित मान्यवरांनी नियमित योगाभ्यासाचे महत्त्व विशद करत निरोगी जीवनशैली अंगीकारण्याचे आवाहन केले. योगामुळे शरीर सुदृढ राहण्यासोबतच मानसिक तणाव कमी होतो आणि सकारात्मक ऊर्जा मिळते, असे मत त्यांनी व्यक्त केले.

योगाच्या विविध आसनांचे प्रात्यक्षिक आणि सामूहिक योगाभ्यासाने कार्यक्रमाला विशेष रंगत आली. नागरिकांच्या उत्स्फूर्त प्रतिसादामुळे कार्यक्रम यशस्वीरीत्या पार पडला. (International Yoga Day) आंतरराष्ट्रीय योग दिनानिमित्त आयोजित या उपक्रमातून निरोगी समाज आणि सशक्त राष्ट्र घडविण्याचा संदेश देण्यात आला.