मौजा भूलीच्या २०२३ अतिवृष्टी अनुदानात घोटाळा!

दोषींवर कारवाई करून पात्र नागरिकांना अनुदान द्यावे!

मानोरा (Rainfall Fund Scam) : तालुक्यातील मौजा भुली येथील सन २०२३ मधील अतिवृष्टीमुळे झालेल्या नुकसानीचे अनुदान वाटपात मोठा भ्रष्टाचार झाल्याचा आरोप करीत देवानंद शिंदे व राजेश राठोड यांनी तहसीलदार यांना १ ऑगस्ट रोजी स्मरणपत्र दिले आहे. तसेच येत्या १५ ऑगस्टपर्यंत वंचित नागरिकांना न्याय न मिळाल्यास स्वातंत्र्यदिनी आत्मदहन करण्यात येईल असा इशारा दिलेल्या निवेदनातून दिला आहे.
     
जिल्हास्तरीय चौकशी समितीच्या अहवालात ग्रामस्तरीय समिती दोषी असल्याचे नमूद असतानाही गेली ३ वर्षे पात्र शेतकऱ्यांना अनुदान मिळालेले नाही.  उपविभागीय अधिकारी व जिल्हाधिकारी कार्यालयाला दिलेल्या तक्रारीनंतरही स्थानिक प्रशासनाने कोणतीही ठोस कारवाई केलेली नाही. त्यामुळे (Rainfall Fund Scam) दोषी ग्रामस्तरीय समिती सदस्य, सरपंच व पोलीस पाटील यांच्यावर महाराष्ट्र ग्रामपंचायत अधिनियम व भारतीय न्याय संहितेनुसार गुन्हा दाखल करून त्यांच्यावर तात्काळ कारवाई करावी तसेच पात्र लाभार्थ्यांना तातडीने अतिवृष्टी अनुदानाचे वाटप करावे. अन्यथा १५ ऑगस्ट २०२६ रोजी आत्मदहन करण्याचा इशारा निवेदनाद्वारे दिला आहे. प्रशासन या प्रकरणावर काय निर्णय घेणार, याकडे भुली येथील शेकडो आपदग्रस्त नागरिकांचे लक्ष लागले आहे.