सायबर सेलचे सहाय्यक पोलिस निरीक्षक शिवसांब घेवारे यांची बदली

हिंगोली (API Shivsamba Gheware) : सायबर सेलचे सहाय्यक पोलिस निरीक्षक शिवसांब घेवारे यांची लाचलूचपत प्रतिबंधक विभागात बदली झाली आहे. या संदर्भात २९ मे रोजी गृह विभागाच्या वतीने आदेश काढण्यात आले आहेत. 

सध्या पोलिस दलातील अधिकारी व कर्मचार्‍यांच्या बदल्याने वातावरण ढवळून निघाले आहे. या निमित्ताने २९ मे रोजी गृह विभागाच्या वतीने पोलिस अधिकार्‍यांच्या बदल्याबाबत रात्री उशिरा आदेश काढले. ज्यामध्ये सायबर सेलचे (API Shivsamba Gheware) सहाय्यक पोलिस निरीक्षक शिवसांब घेवारे यांची लाचलूचपत प्रतिबंधक विभागात बदली करण्यात आली आहे.  मागील काही वर्षापूर्वी सपोनि शिवसांब घेवारे हे जिल्हा पोलिस दलात रूजू झाले होते.  कळमनुरी, बासंबा स्थानिक गुन्हे शाखा, सायबर सेलच्या माध्यमातून त्यांनी अनेक गंभीर गुन्हे उघडकीस आणुन आरोपींच्या मुस्क्या आवळल्या. काहीवेळा परप्रांतात जाऊन गुन्ह्याचा तपास करावा लागला. दरम्यान घेवारे यापूर्वी २०१९ ते २०२२ दरम्यान पोउपनि पदावर कार्यरत होते. त्यानंतर  २०२३ ते २०२६ दरम्यान सहाय्यक पोलिस निरीक्षक पदावर काम केले.