उद्या मृद व जलसंधारण मंत्री संजय राठोड पोहरादेवीत

मानोरा (Minister Sanjay Rathore) : राज्याचे मृद व जलसंधारण मंत्री संजय राठोड हे शनिवार दि. ३० मे रोजी सकाळी ९ वाजता बंजारा काशी तीर्थक्षेत्र पोहरादेवी येथे दाखल होणार असुन बंजारा विरासत संग्रहालयाची पाहणी व विकास कामाचा आढावा घेणार आहेत. 

  नुकतेच तीर्थक्षेत्र पोहरादेवी येथील विकास कामांना गती मिळणेसंदर्भात महंत मंडळाच्या एका शिष्टमंडळाने मुंबई येथे मृद व जलसंधारण मंत्री संजय राठोड यांची भेट घेतली होती. त्यावेळी त्यांनी मंदिर बांधकाम विकासाचे सर्व अडथळे दूर झाले असुन थांबलेली कामे वेगाने सुरू होणार असल्याचे सांगितले होते. त्यानंतर काही दिवसातच पोहरादेवी दौऱ्यावर येत आहेत. यावेळी मंत्री संजय राठोड हे सर्वप्रथम देवी जगदंबा माता, संत सेवालाल महाराज आणि संत रामराव महाराज यांच्या समाधीस्थळी दर्शन घेऊन बनजारा विरासत संग्रहालयाची पाहणी करून आढावा घेणार आहेत. त्यानंतर ते महंत मंडळी यांची भेट व आशीर्वाद घेत पुढील कार्यक्रमासाठी हेलीकॉप्टरने यवतमाळकडे रवाना होणार आहेत.