10 व 11 जून रोजी विशेष ग्रामसभा; नागरिकांनी उपस्थित राहण्याचे तहसीलदारांचे आवाहन
चिखली (Chikhali Gram Panchayat Reservation) : राज्य निवडणूक आयोगाच्या 26 मे 2026 रोजीच्या आदेशानुसार राज्यातील मुदत संपलेल्या व मुदत संपणाऱ्या ग्रामपंचायतींच्या सार्वत्रिक निवडणुकांसाठी सदस्य पदांच्या आरक्षण सोडतीचा कार्यक्रम जाहीर करण्यात आला आहे. त्यानुसार चिखली तालुक्यात सन 2026 मध्ये मुदत संपणाऱ्या 60 आणि एका नवनिर्मित अशा एकूण 61 ग्रामपंचायतींच्या निवडणुकांसाठी प्रभागनिहाय सदस्य आरक्षण निश्चित करण्यासाठी विशेष ग्रामसभा आयोजित करण्यात आल्या आहेत.
तहसील प्रशासनाच्या माहितीनुसार, 10 जून 2026 रोजी अमडापूर, धोत्रा नाईक, हरणी, बोरगाव काकडे, भोरसा-भोरसी, आमखेड, कवठळ, काटोडा, खैरव, रोहडा, गोद्री, माळशेंबा, पळसखेड दौलत, सोमठाणा, शेलुद, टाकरखेड हेलगा, करवंड, दहिगाव, धोत्रा भणगोजी, पेठ, टाकरखेड मु., आंत्री खेडेकर, मलगी, अमोना, वसंतनगर, शेळगाव आटोळ, मालगणी, आंत्री कोळी, सावरगाव डुकरे व केळवद या ग्रामपंचायतींमध्ये विशेष ग्रामसभा होणार आहेत.
तसेच 11 जून 2026 रोजी इसोली, तोरणवाडा, वैरागड, तेल्हारा, एकलारा, नायगाव बु., गांगलगाव, भालगाव, कोलारा, चांधई, खोर, साकेगाव, येवता, दिवठाणा, सवणा, वळती, शेलसुर, मंगरुळ नवघरे, शेलोडी, शिंदी हराळी, उत्रादा, मेरा बु., मुरादपूर, भरोसा, अंचरवाडी, मंगरुळ इ., देऊळगाव धनगर, हातणी, भोगावती, ब्रम्हपुरी आणि किन्होळा या ग्रामपंचायतींमध्ये आरक्षण निश्चितीसाठी (Chikhali Gram Panchayat Reservation) विशेष सभा घेण्यात येणार आहेत.
सदर सर्व सभा संबंधित ग्रामपंचायत मुख्यालयांवर अध्यासी अधिकारी यांच्या अध्यक्षतेखाली आयोजित करण्यात येणार असून, ग्रामपंचायत सदस्य पदांच्या प्रभागनिहाय आरक्षण सोडतीची प्रक्रिया पार पडणार आहे. या विशेष ग्रामसभांना नागरिकांनी मोठ्या संख्येने उपस्थित राहून आरक्षण प्रक्रियेत सहभाग नोंदवावा, असे आवाहन तहसीलदार विजय सवडे यांनी केले आहे.