भुमिअभिलेखमधील दोन्ही भुकरमापक लाचखोराचे निलंबन

उपसंचालक भुमि अभिलेख  छत्रपती संभाजी नगर, कार्यालयाने काढले निलंबन आदेश

हिंगोली (Bribery Appraiser Suspension) : बासंबा येथे शेतगट क्रमांक ६५८ मध्ये ३६ आर शेत जमीनीची मोजणी करण्याकरीता उपाधिक्षक भुमिअभिलेख कार्यालय, हिंगोली मधील दोन भुकरमापकांनी लाचेची मागणी करून १० हजार रुपये लाच स्विकारल्याने लाचलुचपत प्रतिबंधक विभागाच्या पथकाने २२ मे रोजी दोघांना रंगेहाथ पकडले होते. या प्रकरणी हिंगोली शहर पोलीसात गुन्हा दाखल झाला होता. त्याचा अहवाल (Bribery Appraiser Suspension) भुमिअभिलेख कार्यालयाच्या वरिष्ठ अधिकार्‍यांना पाठविला होता. यावरून उपसंचालक भुमिअभिलेख छत्रपती संभाजी नगर येथील वरिष्ठ कार्यालयाने दोन्ही लाचखोरांच्या निलंबनाचे आदेश ३ जून रोजी काढले.

उपाधिक्षक भुमिअभिलेख कार्यालय हिंगोलीे येथील (Bribery Appraiser Suspension) भुकरमापक उमेश मधुकर राऊत व अविनाश नंदकिशोर गोरे यांनी एका व्यक्तीशी बासंबा शिवारातील जमिन मोजणी करण्याकरीता १५ हजाराची लाच मागितली होती. त्यातील १० हजार रुपये लाच घेताना दोघांना हिंगोली येथील भुमिअभिलेख कार्यालयात पकडले होते. या प्रकरणी हिंगोली शहर पोलीसात २३ मे रोजी गुन्हा दाखल झाला होता. दोघांना न्यायालयात हजर केले असता २५ मे पर्यंत पोलीस कोठडी सुनावली होती. त्यानंतर दोघांना ९ जून पर्यंत न्यायालयीन कोठडी सुनावली होती. १ जूनला त्यांच्या जामिन अर्जावर सुनावणी होऊन जामिनवर मुक्तता करण्यात आली होती. लाचेचा दाखल झाल्याचा अहवाल वरिष्ठ कार्यालयाला प्राप्त झाल्यावर उपसंचालक भुमिअभिलेख छत्रपती संभाजी नगर या वरिष्ठ कार्यालयाने भुकरमापक उमेश मधुकर राऊत व अविनाश नंदकिशोर गोरे या दोघांच्या निलंबनाचे आदेश काढले.

उपाधिक्षक भुमिअभिलेख कार्यालय हिंगोली येथील भुकरमापक उमेश मधुकर राऊत, अविनाश नंदकिशोर गोरे या दोघांना लाच घेताना रंगेहाथ पकडले होते. त्यामुळे यांच्या गैरकृत्याने विभागाची व शासनाची प्रतिमा जनमानसात मलीन झाल्याचा ठपका दोघांवर ठेवून उपसंचालक भुमिअभिलेख छत्रपती संभाजी नगर या वरिष्ठ कार्यालयाने दोघांच्या निलंबनाचे आदेश ३ जूनला काढले.