Risod Loan Waiver List: कर्जमुक्ती योजना २०२६ च्या ११,५८४ शेतकारांना तालुका रिसोडत जिल्हा सहकारी बँकेद्वारा 'आधार प्रमाणिकरण' करण्याचे आवाहन झाले आहे.
रिसोड (Risod Loan Waiver List) : पुण्यश्लोक अहिल्यादेवी होळकर शेतकरी कर्जमुक्ती योजना २०२६ अंतर्गत रिसोड तालुक्यात आतापर्यंत ११,५८४ कर्जदार शेतकरी सभासदांच्या याद्या प्रसिद्ध करण्यात आल्या आहेत. या योजनेचा लाभ मिळण्यासाठी यादीतील शेतकऱ्यांनी आपले 'आधार प्रमाणीकरण' तात्काळ पूर्ण करावे, असे आवाहन सहाय्यक निबंधक सहकारी संस्था (रिसोड) गजानन फाटे यांनी केले आहे.
बँकनिहाय शेतकरी संख्या:
प्रसिद्ध झालेल्या ११,५८४ पात्र सभासदांमध्ये:
जिल्हा मध्यवर्ती सहकारी बँक (सेवा सहकारी संस्था): ६,६९३ सभासद
राष्ट्रीयकृत बँका: ४,८९१ सभासद
आधार प्रमाणीकरणाची सद्यस्थिती:
तालुक्यातील ११,५८४ पात्र सभासदांपैकी ८,६८४ शेतकऱ्यांचे आधार प्रमाणीकरण यशस्वीरीत्या पूर्ण झाले आहे. मात्र, उर्वरित २,९०० कर्जदार सभासदांचे प्रमाणीकरण अजूनही बाकी आहे.
प्रशासनाकडून प्रत्यक्ष संपर्क मोहीम:
उर्वरित २,९०० शेतकऱ्यांचे आधार प्रमाणीकरण लवकरात लवकर पूर्ण करून घेण्यासाठी सहाय्यक निबंधक कार्यालयामार्फत विशेष मोहीम राबवली जात आहे. यासाठी कार्यालयातील अधिकारी व कर्मचाऱ्यांची नियुक्ती करण्यात आली असून ते संबंधित शेतकऱ्यांशी प्रत्यक्ष संपर्क साधत आहेत.
"कर्जमुक्ती योजनेचा लाभ विनाअडथळा मिळण्यासाठी यादीत नाव असलेल्या सर्व शेतकरी बांधवांनी आपले आधार प्रमाणीकरण त्वरित पूर्ण करून घ्यावे."
-गजानन फाटे (सहाय्यक निबंधक, सहकारी संस्था, रिसोड)