Marathi press conference: कळमनुरीत मराठी पत्रकार संघाची महत्त्वपूर्ण बैठक संपन्न झाली. उदगीर येथे अधिवेशनासाठी निर्णय घेण्यात आला, पत्रकारांना ओळखपत्र व नवीन सदस्य नोंदणीसाठी सूचना देण्यात आल्या.
कळमनुरी (Marathi press conference) : कळमनुरी तालुका व शहर मराठी पत्रकार संघाची महत्त्वपूर्ण बैठक दि. १३ एप्रिल रोजी कळमनुरी तालुका व शहर मराठी पत्रकार संघाच्या कार्यालयात उत्साहात संपन्न झाली. सदर बैठक (Marathi press conference) मराठी पत्रकार परिषदेचे प्रतिनिधी तथा माजी जिल्हाध्यक्ष नंदकिशोर तोष्णीवाल यांच्या अध्यक्षतेखाली पार पडली. बैठकीत मराठी पत्रकार परिषदेच्या अधिवेशनासाठी उपस्थित राहण्याबाबत चर्चा होऊन, दि.१९ एप्रिल रोजी उदगीर येथे जाण्याचा निर्णय सर्वानुमते घेण्यात आला. इच्छुक पत्रकारांनी आपली नावे नोंदवावीत, असे आवाहन करण्यात आले.
तसेच पत्रकार बांधवांसाठी ओळखपत्र (Marathi press conference) तयार करण्याबाबत निर्णय घेण्यात आला असून, त्यासाठी आवश्यक कागदपत्रे सादर करण्याच्या सूचना देण्यात आल्या. यासोबतच संघटनेचे सभासद नोंदणी शुल्क भरणे याबाबतही चर्चा होऊन विद्यमान सदस्यांनी शुल्क भरणे तसेच नवीन सदस्य नोंदणी करण्याचे ठरविण्यात आले. या बैठकीस जिल्हाउपाध्यक्ष दिलीप खोडके, शफी डोंगरगावकर, तालुकाध्यक्ष अलीमोद्दीन कादरी, मुजीब पठाण, संजय शितळे, म. रफिक,शेख साजेद,सौरभ साकळे आदी पत्रकार बांधव उपस्थित होते.