परभणीत गंगाखेड व परभणी महसूल प्रशासनाच्या संयुक्त कारवाईत ९ तराफे नष्ट...!

परभणी (Parbhani Revenue Administration) : गंगाखेड तालुक्यातील मसला तसेच परभणी तालुक्यातील धसाडी, अँगलगाव शिवारातील गोदावरी नदी पात्रात गुरुवार १७ जून रोजी दुपारी गंगाखेड व परभणी तहसीलच्या पथकाने संयुक्तरित्या केलेल्या कारवाईत ९ तराफे जाळून नष्ट केले आहे.

परभणी जिल्ह्यातील गंगाखेड गंगाखेड तालुक्यातुन वाहणाऱ्या गोदावरी नदी पात्रातून मोठ्या प्रमाणात अवैधरित्या वाळू उपसा केल्या जात असल्याच्या तक्रारी वाढल्याने जिल्हाधिकारी संजयसिंह चव्हाण यांच्यासह उपविभागीय अधिकारी परभणी, उपविभागीय अधिकारी जिवराज डापकर, तहसीलदार उषाकिरण श्रुंगारे यांच्या मार्गदर्शनाखाली जिल्हा खणीकर्म अधिकारी विष्णू पकवाने, नायब तहसीलदार मो. अजीम, तलाठी रमेश लटपटे, तलाठी भोसले, महसूल सेवक आकाश सूर्यवंशी, बबन गोरे, आनेराव, उत्तमराव शिसोदे, एकनाथ शहाणे, मैड यांच्यासह गंगाखेड व (Parbhani Revenue Administration) परभणी तहसीलच्या पथकाने गुरुवार १७ जून रोजी दुपारी १२ ते २ वाजेदरम्यान अंगलगाव, धसाडी व मसला गावालगतच्या गोदावरी नदी पात्रात कारवाई करून नऊ तराफे जाळून नष्ट करत तराफे मुक्त गोदावरी नदी करण्यात आली.