व्यावसायिक गॅस सिलेंडर उपलब्धते करून देण्याची मागणी  व्यावसायिक गॅस सिलेंडर उपलब्धते करून देण्याची मागणी

हिंगोली (LPG cylinder) : आखाती देशांतील युद्ध परिस्थितीमुळे एल.पी.जी. गॅस सिलेंडरचा पुरवठा सुरळीत राहावा यासाठी केंद्र व राज्य  शासनाने काही निर्बंध लागू केले होते. तथापि, सद्यस्थितीत व्यावसायिक गॅस सिलेंडरचा (LPG cylinder) पुरवठा अत्यंत कमी प्रमाणात होत आहे. यामुळे हॉटेल, खानावळी, मिठाई दुकाने व इतर व्यावसायिक आस्थापनांचे कामकाज मोठ्या प्रमाणात प्रभावित होत असून, व्यवसायिकांना आर्थिक अडचणींना सामोरे जावे लागत आहे.

म्हणून आपण या बाबीकडे तातडीने लक्ष घालून व्यावसायिक गॅस सिलिंडरचा पुरवठा वाढविण्या बाबत संबंधित विभागास आवश्यक सूचना द्याव्यात, अशी मागणी हिंगोली जिल्हा व्यापारी महासंघाच्या वतीने जिल्हाधिकारी राहुल गुप्ता यांच्याकडे निवेदनाद्वारे करण्यात आली असून सकारात्मक कार्यवाही कराल, अशी अपेक्षा व्यक्त करण्यात आली आहे. निवेदनावर अनिल नैनवाणी राज्य उपाध्यक्ष, नंदकिशोर तोष्णीवाल जिल्हा अध्यक्ष, दिलीप चव्हाण माजी नगराध्यक्ष, राजेश बगडिया जिल्हा उपाध्यक्ष, संजय देवडा हिंगोली तालुका अध्यक्ष, सुमित चौधरी हिंगोली शहर अध्यक्ष यांच्या स्वाक्षऱ्या आहेत.