Hingoli Traffic Branch: शहरातील भाजी मंडई परिसरातील वाहतूक कोंडी सोडवण्यासाठी वाहतूक शाखेने कठोर पाऊल उचलले आहे. भाजी मंडईतील मुख्य रस्ता अतिक्रमणमुक्त करून वाहतुकीसाठी खुला करण्यात यावा
हिंगोली (Hingoli Traffic Branch) : शहरातील भाजी मंडई परिसरातील वाहतूक कोंडी सोडवण्यासाठी वाहतूक शाखेने कठोर पाऊल उचलले आहे. भाजी मंडईतील मुख्य रस्ता अतिक्रमणमुक्त करून वाहतुकीसाठी खुला करण्यात यावा, अन्यथा संबंधितांवर कायदेशीर कारवाई केली जाईल, असा इशारा शहर वाहतूक शाखेचे पोलिस निरीक्षक जी. शेख यांनी दिला आहे. भाजी मंडईत विक्रेते आणि हातगाडीधारकांकडून रस्त्यावर मोठ्या प्रमाणात अतिक्रमण करण्यात आले आहे. त्यामुळे सकाळपासूनच येथे वाहनांची कोंडी होते. नागरिकांना, रुग्णवाहिकांना आणि शाळेच्या बसला देखील मार्ग काढताना मोठी कसरत करावी लागत आहे. या (Hingoli Traffic Branch) पार्श्वभूमीवर वाहतूक शाखेने मंडई परिसराची पाहणी केली.
पाहणीनंतर पोलिस निरीक्षक जी. शेख यांनी विक्रेत्यांना रस्ता तातडीने मोकळा करण्याच्या सूचना दिल्या. रस्त्यावर मांडलेले स्टॉल, हातगाड्या आणि इतर साहित्य त्वरित हटवावे. यानंतरही रस्ता अडवून वाहतुकीस अडथळा निर्माण केल्यास मोटार वाहन कायद्यासह अन्य संबंधित कलमांखाली कारवाई केली जाईल, असे त्यांनी स्पष्ट केले. (Hingoli Traffic Branch) वाहतूक सुरळीत ठेवण्यासाठी नागरिकांनीही सहकार्य करावे, असे आवाहन वाहतूक शाखेकडून करण्यात आले आहे. पुढील काही दिवसांत मंडई परिसरात विशेष मोहीम राबवून कारवाई केली जाणार असल्याचेही शेख यांनी सांगितले.