हिंगोलीचा पारा ४० अंशांच्या पार; दूपारचा शुकशूकाट

हिंगोली (Hingoli Temperature) : संपूर्ण राज्यासह हिंगोली जिल्ह्यामध्ये सध्या उन्हाचा तडाखा प्रचंड वाढला असून तापमानाचा पारा मोठ्या प्रमाणात वर सरकला आहे. वाढत्या उष्णतेमुळे जनजीवनावर मोठा परिणाम झाला असून, नेहमी गजबजलेल्या असणार्‍या 'पोलीस वसाहती'मधील रस्त्यांवर आता भर दुपारी शुकशुकाट पहायला मिळत आहे. उन्हाच्या झळांनी हिंगोलीकर हैराण झाले आहेत. मार्च महिना संपता संपता हिंगोलीत सूर्य आग ओकू लागला आहे. सकाळी १० वाजल्यापासूनच (Hingoli Temperature) उन्हाच्या तीव्र झळा जाणवू लागतात, तर दुपारी १२ ते ४ या वेळेत रस्ते ओस पडत आहेत. पोलीस वसाहत, जी नेहमी अधिकारी, कर्मचारी आणि त्यांच्या कुटुंबियांच्या येज्ञजा करण्याने गजबजलेली असते, तिथे आता दुपारच्या वेळी सामसूम असते. अत्यावश्यक काम असल्याशिवाय कुणीही घराबाहेर पडण्याचे धाडस करत नसल्याचे चित्र आहे.

रस्त्यांवर शुकशुकाट दिसून येत आहे. वाढत्या तापमानामुळे वसाहतीमधील अंतर्गत रस्ते आणि मुख्य मार्गांवर वाहनांची ये-जा पूर्णपणे मंदावली आहे. दुपारच्या वेळी उष्ण वारे वाहत असल्याने नागरिक घरांमध्येच राहणे पसंत करत आहेत. लहान मुले आणि ज्येष्ठांच्या आरोग्याची काळजी घेत पालकांनी त्यांना बाहेर पडण्यापासून रोखले आहे.

पाण्याची मागणी वाढली असल्याचे दिसत आहे. एकीकडे (Hingoli Temperature) उष्णता वाढत असताना दुसरीकडे थंड पेये आणि पाण्याचे महत्त्व वाढले आहे. वसाहतीमध्ये ठिकठिकाणी नागरिक सावलीचा आधार शोधताना दिसत आहेत. प्रशासनाकडूनही नागरिकांना जास्तीत जास्त पाणी पिण्याचे आणि उन्हापासून संरक्षण करण्याचे आवाहन करण्यात येत आहे. येणार्‍या दिवसांत तापमानाचा हा पारा आणखी वाढण्याची शक्यता वर्तवण्यात आली आहे.