Hingoli DySP: उपलब्ध उपविभागीय पोलिस अधिकार्यांकडे रिक्त असलेल्या उपविभागाचा पदभार सोपविला जात होता. परंतु २३ जूनला गृहविभागाने काढलेल्या आदेशात जिल्हा पोलिस दलाला एका ठोक्यात चार डिवायएसपी
हिंगोली (Hingoli DySP) : मागील काही वर्षापासून उपविभागीय पोलिस अधिकार्यांची रिक्त पदे होती. त्यामुळे जिल्ह्यातील कायदा व सुव्यवस्थेसह अनेक बाबीवर त्याचा परिणाम जाणवत होता. उपलब्ध उपविभागीय पोलिस अधिकार्यांकडे रिक्त असलेल्या उपविभागाचा पदभार सोपविला जात होता. परंतु २३ जूनला गृहविभागाने काढलेल्या आदेशात जिल्हा पोलिस दलाला एका ठोक्यात चार डिवायएसपी मिळाले आहेत.
छत्रपती संभाजी नगर ग्रामीण उपविभागीय पोलस अधिकारी सतिष बाबुराव वाघ यांची हिंगोली ग्रामीण उपविभागीय पोलिस अधिकारी पदी, पुणे ग्रामीण उपविभागीय पोलिस अधिकारी नारायण शिवाजीराव देशमुख यांची हिंगोली शहर उपविभागीय पोलिस अधिकारी पदी, बृहन्मुंबई येथील हरीष श्रीकृष्ण गवळी यांची पोलिस उपाधिक्षक मुख्यालयी हिंगोली तर नांदेड येथील बबन गंगाराम कर्हाळे यांची पोलिस उपाधिक्षक आर्थिक गुन्हे शाखा हिंगोली येथे नियुक्ती करण्यात आली आहे. या चारही उपविभागीय पोलिस अधिकार्यांची पदोन्नतीवर बदली झाली आहे.
कुंदनकुमार वाघमारे यांची पूर्णा उपविभागीय अधिकारी पदी नियुक्ती
छत्रपती संभाजीनगर येथून पदोन्नतीवर आलेले कुंदनकुमार वाघमारे यांची हिंगोली शहर पोलिस अधिकारी पदी ऑगस्ट २०२५ मध्ये नियुक्ती केली होती. नगर परिषद निवडणूकीच्या धामधूमीत ८ डिसेंबर २०२५ रोजी त्यांनी हिंगोलीत पदभार स्विकारला होता. शासनाच्या गृहविभागाने २३ जून रोजी काढलेल्या आदेशात कुंदनकुमार वाघमारे यांची पूर्णा उपविभागीय अधिकारी पदी नियुक्ती करण्यात आली. त्यांची ही बदली अवघ्या ६ महिन्यात झाली आहे.