सर्व हिंदूंनी एकत्र आल्यास देश विश्वगुरु...

घोट (Hindu Sammelan) : घोट येथील शांतिनिकेतन कॉलनीत भव्य हिंदू संमेलनाचे आयोजन करण्यात आले. या कार्यक्रमाच्या अध्यक्षस्थानी ह.प.भ.सेवकराम तुकाराम महाराज हे होते. प्रमुख वक्ते म्हणून विदर्भ प्रांत महामंत्री वि. कार्यप्रमुख नितीनजी जांभोरकर,ह.प.भ प्रणालीताई पिपरे उपस्थीत होते.सर्व हिंदू बांधवांनी हिंदू एकत्र आल्यास आपल्या देशाचा विकास झाल्याशिवाय राहणार नाही. आपला देश विश्वगुरू होईल, असे प्रतिपादन विदर्भ प्रांत महा.वि.कार्य प्रमुख नितीनजी जांभोरकर यांनी केले. घोट बुधवार (दि.25 मार्च) हिंदु संम्मेलन उत्साहात साजरा करण्यात आला.

यावेळी प्रमुखवक्ते म्हणून बोलत होते. सायंकाळी 6:00 वाजता प्रमुख पाहुण्यांच्या हस्ते भारतमातेचे पूजन करून कार्यक्रमाची सुरुवात करण्यात आली.याप्रसंगी  यांनी राष्ट्रीय स्वयंसेवक संघ नेहमी हिंदूंचे संघटन करण्यास प्राधान्य देते.तसेच देशभक्त नागरिकांची फळी निर्माण व्हावी,आदर्श समाज निर्माण व्हावा,सर्व समाज एकत्र येऊन देशाच्या विकासासाठी योगदानासाठी प्रयत्न करावे,असे आवाहन केले.कार्यक्रमाचे प्रस्ताविक देविदास कोहळे,संचालन क्रिष्णा मंडल यांनी केले.तर आभार विलास उईके यांनी मानले.कार्यक्रमास तालुका कार्यवाहक देविदास कोहळे,उत्पल मंडल,घोट खंड प्रमुख विलास गण्यारपवार,माजी जिल्हा परिषद सदस्य नामदेव सोनटक्के,भारत स्वाभिमान न्यासचे जिल्हाध्यक्ष अशोक पोरेड़ीवार,बाबुराव भोवरे, दिनकर लाकडे,बंडू जुवारे, ताराबाई उईके, रामचंद्र दूधबावरे,पवन दूधबावरे आदी गावातील गणमान्य व्यक्ती,मातृशक्ती, बाल स्वयंसेवक उपस्थित होते.