शहरात शेतमाल खरेदी-विक्री व्यवहारातून तब्बल २८ लाख ७३ हजार रुपयांची फसवणूक झाल्याची घटना समोर आली असून, याप्रकरणी कोतवाली पोलीस ठाण्यात व्यापार्याविरुद्ध गुन्हा दाखल करण्यात आला आहे.
शहरातील कोतवाली पोलीसात फसवणूकीचा गुन्हा आरोपी पसार...!
परभणी (Fraud Case) : शहरात शेतमाल खरेदी-विक्री व्यवहारातून तब्बल २८ लाख ७३ हजार रुपयांची फसवणूक झाल्याची घटना समोर आली असून, याप्रकरणी कोतवाली पोलीस ठाण्यात व्यापार्याविरुद्ध गुन्हा दाखल करण्यात आला आहे.
घटने बाबत अधिक माहिती अश की, फिर्यादी भारत मुक्तावर यांचा नवामोंढा परिसरात ‘न्यानसिंह ट्रेडिंग कंपनी’ नावाने आडत व्यवसाय आहे. ते आपल्या मुलासह शेतकर्यांकडून सोयाबीन, तूर, हरभरा आदी शेतमाल खरेदी करून पुढे विक्री करतात. आरोपी महेश डावरे याची ओळख २०२१ मध्ये झाली होती. त्यानंतर २०२५ मध्ये त्याच्याशी तूर खरेदीचा व्यवहार सुरू झाला. २ ऑक्टोबर २०२५ रोजी आरोपीने मुक्तावर यांच्या दुकानात येऊन तूर खरेदीचा व्यवहार केला. ठरलेल्या दरानुसार विविध ठिकाणांहून एकूण सुमारे ८०० क्विंटल तूर त्याला विक्री करण्यात आली. या मालाची एकूण किंमत ५२ लाख ७३ हजार ८०० रुपये होती. त्यापैकी आरोपीने सुमारे २४ लाख रुपये अदा केले, तर उर्वरित २८ लाख ७३ हजार ८०० रुपये आठ दिवसांत देण्याचे आश्वासन दिले. मात्र, ठरलेल्या वेळेत पैसे न देता आरोपी टाळाटाळ करू लागला. वारंवार संपर्क साधूनही प्रतिसाद मिळाला नाही. दरम्यान, आरोपीने आपला निवासस्थान देखील बदलून संपर्क तोडल्याचे समोर आले. त्यामुळे आपली फसवणूक झाल्याचे लक्षात आले. याप्रकरणी रामराव मुक्तावर यांच्या फिर्यादीवरुन महेश दत्तात्र्य डावरे उर्फ सौरभ दत्तात्र्य कातनेश्वरकर यांच्या विरुध्द कोतवाली पोलीसात फसवणूकीचा गुन्हा दाखल करण्यात आला आहे.