जनसंघर्ष प्रकरणात १६ एप्रिल रोजी सुनावणी!

मानोरा (Financial Fraud Case) : दिग्रस येथील बहुचर्चित जनसंघर्ष अर्बन निधीत ४९ कोटी ६९ लाख अपहार करणाऱ्या मास्टर माइंड प्रणीत मोरे याने खातेदारांच्या ठेवीतून अनेक गैरव्यवहार केले आहेत. त्यामध्ये पेट्रोलपंपाचे प्रकरण दारव्हा येथील अतिरिक्त जिल्हा व सत्र न्यायालयात सुरू आहे.

सुनावणीदरम्यान पेट्रोलपंपाचे १ कोटी ४० लाख रुपये १० एप्रिलपूर्वी भरण्याचे आदेश संबंधितांना दिले होते जनसंघर्षमध्ये ६ हजार २०० खातेदारांचे तब्बल ४९ कोटी रुपये अडकले आहेत.  पेट्रोलपंप व्यवहारातील एक कोटी ४० लाखांचा भरणा १० एप्रिलपूर्वी न झाल्यास जप्तीची कारवाई करावी, असे निर्देश न्यायालयाने सक्षम प्राधिकाऱ्यांना दिले होते रक्कम न भरल्यामुळे सक्षम प्राधिकऱ्यांना कारवाईचे आदेश दिले आहेत. अतिरिक्त जिल्हा व सत्र न्यायाधीश - १ यांच्या न्यायालयात ही सुनावणी झाली. पुढील न्यायालयाची सुनावणी आता १६ एप्रिल रोजी असल्याने पुढील कारवाईकडे यवतमाळसह वाशिम जिल्हयातील खातेदारांचे लक्ष लागले आहे.