शिवसेना डॉक्टर्स प्रीमियर लीग (पुणे आणि पश्चिम महाराष्ट्र) २०२६ चा क्रिकेट महोत्सव आज उत्साहात पार पडला.
पुणे (Doctors League) : शिवसेना डॉक्टर्स प्रीमियर लीग (पुणे आणि पश्चिम महाराष्ट्र) २०२६ चा क्रिकेट महोत्सव आज उत्साहात पार पडला. या स्पर्धेने संपूर्ण प्रदेशातील वैद्यकीय व्यावसायिकांना टेनिस-बॉल क्रिकेटसाठी एकत्र आणले.
डॉ. सुयोग गुरव, सचिव, महाराष्ट्र राज्य, शिवसेना डॉक्टर सेल व स्पर्धा संचालक यांनी शिवसेना डॉक्टर सेलच्या बॅनरखाली या उद्घाटनपर स्पर्धेचे आयोजन केले. सामने युट्यूबवर थेट प्रक्षेपित झाल्याने संपूर्ण महाराष्ट्रातून स्पर्धेला उत्स्फूर्त प्रतिसाद मिळाला. CPL 11 संघाने डॉ. राहुल पाटील यांच्या सामनावीर कामगिरीच्या जोरावर अंतिम सामन्यात बलाढ्य पदमालया रोडे हॉस्पिटल संघावर ३ गडी राखून मात करत मानाची ट्रॉफी व रु. ५१,००० चे रोख पारितोषिक पटकावले.
या स्पर्धेला शिवसेनेचे फायरब्रँड नेते व कल्याण लोकसभा मतदारसंघाचे खासदार डॉ. श्रीकांत एकनाथ शिंदे यांची प्रेरणा लाभली आहे. व्यवसायाने ऑर्थोपेडिक सर्जन असलेले डॉ. शिंदे राजकीय जबाबदाऱ्या सांभाळूनही क्रिकेटची आवड जोपासतात आणि संधी मिळेल तेव्हा खेळतात.
शिवसेना डॉक्टर सेलचे अध्यक्ष डॉ. धनंजय पडवळ यांच्या पुढाकाराने महाराष्ट्रातील विविध भागात अशा शिवसेना-संलग्न डॉक्टर्स क्रिकेट लीगचे आयोजन केले जाते. रुग्णालयातील दीर्घ कर्तव्यामुळे तणावाखाली असलेल्या डॉक्टरांसाठी शारीरिक तंदुरुस्ती, ताणतणावमुक्ती व नेटवर्किंग हे या स्पर्धांचे मुख्य उद्देश आहेत.
अशा स्पर्धांमुळे डॉक्टरांना OT आणि OPD च्या पलीकडे जाऊन मोकळेपणाने एकत्र येण्याची संधी मिळते,” असे स्पर्धा संचालक डॉ. सुयोग गुरव म्हणाले. या कार्यक्रमाच्या व्यवस्थापनासाठी त्यांना डॉ. वैभव पानसकर, डॉ. यशवंत देशमुख व डॉ. विजय काळे यांचे मोलाचे सहकार्य लाभले. “हा मैदानावर आणि मैदानाबाहेरही टीमवर्कचा अनुभव आहे,” असेही ते पुढे म्हणाले.
या स्पर्धेला पवना हॉस्पिटल, एसजी डायग्नोस्टिक लॅब्स, ७२ तास डेंटल क्लिनिक, कुलकर्णी हॉस्पिटल व IVF सेंटर, प्रिसाइज बॅरिअॅट्रिक क्लिनिक, जीजी हेल्थकेअर, मुक्ताई हॉस्पिटल, महालक्ष्मी हॉस्पिटल व राजगड हॉस्पिटल यांचे भरीव सहकार्य लाभले.