दिव्यांग तरुणीवर लैंगिक अत्याचार; चिखली तालुक्यातील बोरगाव वसु येथील घटना

आरोपीविरुद्ध ॲट्रॉसिटीसह गंभीर कलमांखाली गुन्हा

चिखली (Sexual assault case) : चिखली तालुक्यातील बोरगाव वसु येथे २२ वर्षीय दिव्यांग तरुणीवर लैंगिक अत्याचार झाल्याची धक्कादायक घटना ५ ऑगस्ट रोजी उघडकीस आली आहे. या प्रकरणी चिखली पोलिसांनी सवणा येथील शेख रब्बानी शेख गणी (वय ३५) याच्याविरुद्ध भारतीय न्याय संहिता (BNS), अनुसूचित जाती-जमाती (अत्याचार प्रतिबंध) कायदा तसेच दिव्यांग व्यक्ती अधिकार अधिनियम, २०१६ अंतर्गत गंभीर कलमांनुसार गुन्हा दाखल केला आहे.

पोलिसांनी दिलेल्या माहितीनुसार, ५ ऑगस्ट रोजी दुपारी १ ते १.२० वाजण्याच्या सुमारास बोरगाव वसु येथील स्मशानभूमीच्या पाठीमागे असलेल्या नाल्याजवळ पीडित तरुणी शौचासाठी गेली होती. त्यावेळी आरोपीने तिचा पाठलाग करून तिच्या दिव्यांगत्वाचा गैरफायदा घेत तिच्यावर लैंगिक अत्याचार केल्याचा आरोप फिर्यादीत करण्यात आला आहे.

या (Sexual assault case) घटनेनंतर पीडितेच्या ४० वर्षीय आईने चिखली पोलिस ठाण्यात तक्रार दिली. त्यावरून पोलिसांनी आरोपीविरुद्ध BNS कलम 64(1), 64(2)(k), 78, तसेच अनुसूचित जाती-जमाती (अत्याचार प्रतिबंध) कायद्याच्या कलम 3(1)(w)(i), 3(1)(w)(ii), 3(2)(5), 3(2)(va) आणि दिव्यांग व्यक्ती अधिकार अधिनियम, २०१६ च्या कलम 92(d) अन्वये गुन्हा दाखल केला आहे. या प्रकरणाचा पुढील तपास चिखली पोलीस करीत आहेत.