Dharamveer Foundation: युवाशक्ती, समाजसेवा व राष्ट्रसेवा हा त्रिवेणीसंगम घेऊन चालणाऱ्या धर्मवीर युथ फाऊंडेशनने मलकापूर तालुक्यातील गावात निर्माण करून विविध ठिकाणी शाखांची स्थापना
एक नवी सामाजिक ऊर्जा प्रदान करू: पृथ्वीराज गायकवाड
बुलढाणा (Dharamveer Foundation) : युवाशक्ती, समाजसेवा व राष्ट्रसेवा हा त्रिवेणीसंगम घेऊन चालणाऱ्या धर्मवीर युथ फाऊंडेशनने मलकापूर तालुक्यातील गावात निर्माण करून विविध ठिकाणी शाखांची स्थापना सुरू केली आहे. या माध्यमातून या तालुक्यात एक नवीन सामाजिक ऊर्जा प्रदान करण्याचा संकल्प, या फाउंडेशनचे अध्यक्ष पृथ्वीराज संजय गायकवाड यांनी केला आहे.
मलकापूर तालुक्यात धर्मवीर युथ फाउंडेशनच्या (Dharamveer Foundation) संघटनात्मक विस्ताराला अभूतपूर्व प्रतिसाद मिळत असून, तालुक्यातील लोणवाडी ,जांभूळधाबा, आळंद,खामखेड,व देवधाबा या गावांमध्ये मोठ्या उत्साहात १५ जुलै रोजी नवीन शाखांची स्थापना करण्यात आली. छत्रपती शिवाजी महाराजांना वंदन करून ढोल-ताशांच्या गजरात, भगव्या ध्वजांच्या साक्षीने आणि हजारो युवकांच्या उत्स्फूर्त सहभागामुळे प्रत्येक शाखा उद्घाटन सोहळा प्रेरणादायी ठरला.
बुलढाणा विधानसभा मतदारसंघाचे आमदार धर्मवीर संजुभाऊ गायकवाड यांच्या प्रेरणादायी मार्गदर्शनाखाली आणि धर्मवीर युथ फाउंडेशनचे अध्यक्ष श्री. पृथ्वीराज संजय गायकवाड यांच्या सक्षम नेतृत्वाखाली आज हजारो तरुण एकाच ध्येयाने एकत्र येत आहेत. समाजसेवा, राष्ट्रसेवा आणि जनतेच्या हितासाठी कार्य करण्याची प्रेरणा या माध्यमातून युवकांमध्ये निर्माण होत असून, धर्मवीर युथ फाउंडेशन एक सशक्त सामाजिक चळवळ म्हणून पुढे येत आहे.युवकांना योग्य दिशा, सामाजिक जबाबदारी आणि लोकहिताची जाणीव करून देत फाउंडेशन प्रत्येक गावात जनतेच्या प्रश्नांसाठी सज्ज होत आहे.
यावेळी त्याठिकाणी प्रत्येक गावातील शाखाप्रमुख, उपशाखाप्रमुख, शाखा संघटक, सचिव, सोशल मीडिया प्रमुख व धर्मवीर युथ फाउंडेशनचे सर्व सदस्य व असंख्य तरुण उपस्थित होते.