आशापुरा जिनिंगमध्ये कापसाला आग, शेकडो क्विंटल कापुस जळाला

पांढरकवडा (Cotton Fire) : शहरालगत असलेल्या मांगुर्डा रोडवरील मॉ आशापुरा जिनिंग मधिल कापसाला वाहनाच्या सायलेन्सरमुळे अचानकपणे आग लागली. या आगीमध्ये जिनिंग मधिल शेकडो क्विंटल कापुस जळाला असुन आग लवकर आटोक्यात आल्याने मोठी हाणी टळली आहे. मांगुर्डा रोडवरील मॉ आशापुरा जिनिंगमध्ये गिमा टेक्स या कंपनीची खाजगी खरेदी सुरु आहे. या कंपनीच्या वतीने हजारो क्विंटल कापुस खरेदी करण्यात आला आहे. त्याची जिनिंग सुध्दा मोठ्या प्रमाणात झाली आहे. त्यातील प्रक्रीया झालेला कापुस सुध्दा इतरत्र पाठविण्यात आल्याची माहिती समोर येत आहे. सद्या जिनिंगमध्ये झोडा (अतिशय हलक्या प्रतिचा) कापुस खरेदी सुरु आहे. २४ रोजी दुपारी ४ वाजता दरम्यान कापुस गाडी खाली करीत असतांना गाडीच्या सायलेन्सरमुळे अचानकपणे कापुस खरेदी सुरु असलेल्या ठिकाणी आग लागली. या आगीने अधिक रोद्र रोप धारण केले होते. मात्र जिनिंगमध्ये असलेल्या पाण्याचा वापर करुन आगीवर नियंत्रण मिळविण्याचा प्रयत्न करण्यात आला. तसेच वणी,घाटंजी,राळेगांव,यवतमाळ येथील अग्निशमक दलाच्या वाहनास पाचारण करण्यात आले होते. अग्निशमक दलाच्या अथक प्रयत्नाने या आगीवर लवकरच नियंत्रण मिळविण्यात आल्याने मोठे नुकसान टळले आहे.