शिवसेना (उबाठा) पक्षाच्या बुलढाणा जिल्हा समन्वयकपदी गजानन धांडे

बुलढाणा (ShivSena Gajanan Dhande) : शिवसेना (उद्धव बाळासाहेब ठाकरे) पक्षाच्या बुलढाणा जिल्हा पदाधिकारी बैठकीत गजानन धांडे यांची जिल्हा समन्वयकपदी नियुक्ती करण्यात आली. पक्ष संघटना अधिक सक्षम करण्याच्या उद्देशाने ही नियुक्ती जाहीर करण्यात आली.

शिवसेना (उद्धव बाळासाहेब ठाकरे) पक्षाची बुलढाणा जिल्हा पदाधिकारी बैठक रविवारी दि. १२ जुलै रोजी बुलढाणा अर्बन रेसिडेन्सी येथे पार पडली. बैठकीला जिल्हा संपर्कप्रमुख प्रा. नरेंद्र खेडेकर, आ. सिद्धार्थ खरात, जिल्हाप्रमुख जालिंधर बुधवत व गजानन वाघ, राज्यप्रवक्ता जयश्रीताई शेळके, सहसंपर्कप्रमुख डी. एस. लहाने, सहसंपर्कप्रमुख दत्ता पाटील व वसंतराव भोजने, जिल्हा संघटक सुमित सरदार, युवासेना जिल्हाप्रमुख नंदूभाऊ कऱ्हाडे, शुभम पाटील, मेहकरचे नगराध्यक्ष किशोर गारोळे,  वसंतराव झाल्टे, यांच्यासह सर्व उपजिल्हाप्रमुख, तालुकाप्रमुख, शहर प्रमुख व अंतर्गत संघटनांचे प्रमुख अधिकारी उपस्थित होते.

नियुक्तीची घोषणा होताच उपस्थित पदाधिकारी व शिवसैनिकांनी टाळ्यांच्या कडकडाटात गजानन धांडे (ShivSena Gajanan Dhande) यांचे स्वागत करून त्यांचे अभिनंदन केले. यावेळी पक्षाच्या वरिष्ठ नेत्यांनी त्यांना शुभेच्छा देत पक्ष विस्तार, संघटन बळकटी आणि आगामी निवडणुकांच्या अनुषंगाने समन्वयाची जबाबदारी प्रभावीपणे पार पाडण्याचा विश्वास व्यक्त केला. नवनियुक्त जिल्हा समन्वयक गजानन धांडे (ShivSena Gajanan Dhande) यांनी पक्षाने दिलेली जबाबदारी प्रामाणिकपणे पार पाडत जिल्हाभरात संघटना अधिक मजबूत करण्यासाठी आणि प्रत्येक शिवसैनिकाला सोबत घेऊन काम करण्याचा निर्धार व्यक्त केला.