भाजपच्या जिल्हा प्रवक्तेपदी विलास गोरे यांची निवड

हिंगोली (BJP Hingoli) : भारतीय जनता पक्षाच्या हिंगोली जिल्हा प्रवक्तेपदी विलास गोरे यांची निवड करण्यात आली. राज्याच्या पक्ष सचिव तथा हिंगोली जिल्हा प्रभारी रेखाताई कुलकर्णी यांच्या हस्ते त्यांना नियुक्तीचे पत्र प्रदान करण्यात आले. विलास गोरे यांनी माजी आ.डॉ.प्रज्ञाताई सातव यांच्या नेतृत्वाखाली भारतीय जनता पक्षात प्रवेश केला होता. यापूर्वी त्यांनी काँग्रेसमध्ये असताना प्रवक्ते म्हणून दीर्घकाळ काम पाहिले असून, त्यांच्या दांडग्या अनुभवाची आणि भाजपमधील सक्रियतेची दखल घेत पक्षाने त्यांच्यावर ही नवीन जबाबदारी सोपविली आहे.जिल्हाध्यक्ष गजानन घुगे यांच्या स्वाक्षरीचे नियुक्ती पत्र रेखाताई कुलकर्णी यांनी गोरे यांना सुपूर्द केले. यावेळी पक्षाचे वरिष्ठ पदाधिकारी आणि कार्यकर्ते उपस्थित होते.

विलास गोरे यांच्या या निवडीबद्दल खासदार रामराव वडकुते, आमदार तान्हाजीराव मुटकुळे, माजी आमदार प्रज्ञाताई सातव,जिल्हाध्यक्ष गजाननराव घुगे, माजी जिल्हाध्यक्ष फुलाजीराव शिंदे,माजी नगराध्यक्ष बाबाराव बांगर,सुभाषचंद्र लदनिया, माजी जिल्हा उपाध्यक्ष मिलिंद यंबल,जिल्हा सरचिटणीस उमेश नागरे, संजय कावडे, रवी पाटील गोरेगावकर, बाबा घुगे, संजय ढोके, रजनीश पुरोहित,श्रिरंग राठोड,मनोज शर्मा,संजय खंडेलवाल, पवन उपाध्याय, कैलास शहाणे,लखन कुरिल,अमित रुहाटिया,महेश शहाणे,राहुल मेने,प्रतिक अग्रवाल,आदींनी त्यांचे अभिनंदन केले असून पुढील वाटचालीस शुभेच्छा दिल्या आहेत.