Aundha Nagnath Bus Accident: औंढा नागनाथ ते हिंगोली मार्गावर औंढा नागनाथ तालुक्यातील हिवरा पाटी जवळ मंगळवार, दिनांक २ जून रोजी रात्री दहा वाजेच्या सुमारास बसच्या धडकेत एक जण गंभीर जखमी
हिंगोली (Aundha Nagnath Bus Accident) : औंढा नागनाथ ते हिंगोली मार्गावर औंढा नागनाथ तालुक्यातील हिवरा पाटी जवळ मंगळवार, दिनांक २ जून रोजी रात्री दहा वाजेच्या सुमारास बसच्या धडकेत एक जण गंभीर जखमी झाल्याची घटना घडली. अकोला ते परभणी जाणारी बस क्रमांक एमएच ४९ बीझेड ९३७५ ने पायी जात असलेल्या भाऊराव गणेशराव मुखमहाले, वय ४० वर्षे, रा. मेथा ता. औंढा नागनाथ यांना जोरदार धडक दिली. या अपघातात भाऊराव मुखमहाले गंभीर जखमी झाले आहेत.
अपघाताची माहिती मिळताच औंढा नागनाथ (Aundha Nagnath Bus Accident) पोलीस ठाण्याचे पोलीस निरीक्षक जी.एस. राहिरे, पोलीस उपनिरीक्षक शेख खुद्दूस, पोलीस उपनिरीक्षक अमोल इंगोले, जमादार रविकांत हरकळ यांच्यासह पोलीस कर्मचाऱ्यांनी तातडीने घटनास्थळी धाव घेतली. पोलिसांनी जखमीला उपचारासाठी हिंगोली येथील शासकीय रुग्णालयात दाखल केले. तेथे प्राथमिक उपचार केल्यानंतर पुढील उपचारासाठी जखमीला नांदेड येथे हलवण्यात आले आहे.
अपघातग्रस्त बस पोलिसांनी ताब्यात घेऊन औंढा नागनाथ पोलीस ठाण्याच्या आवारात लावली आहे. या प्रकरणी औंढा नागनाथ पोलीस ठाण्यात अद्याप गुन्हा दाखल झालेला नाही. पोलीस पुढील तपास करत आहेत.