शंकरनगर येथील CATC कॅम्पमध्ये सरजूदेवी भिकुलाल भारूका आर्य कन्या विद्यालयाच्या कॅडेट्सची चमकदार कामगिरी

कर्नल रेड्डी यांच्या हस्ते सन्मान 

हिंगोली (CATC Camp Victory) : नांदेड जिल्ह्यातील शंकरनगर येथे आयोजित CATC कॅम्पचा समारोप कॅम्प कमांडंट कर्नल रेड्डी यांच्या अध्यक्षतेखाली उत्साहात पार पडला. या कॅम्पमध्ये सरजूदेवी भीकुलाल भारूका आर्य कन्या विद्यालयाच्या कॅडेट्सनी (CATC Camp Victory) विविध स्पर्धांमध्ये फर्स्ट अधिकारी सोनल जयस्वाल यांच्या मार्गदर्शनाखाली घवघवीत यश संपादन करून विद्यालयाचे नाव उज्ज्वल केले.  

पुश-अप्स स्पर्धेत कॅडेट सृष्टी खिल्लारे हिने द्वितीय क्रमांक पटकावत रौप्य पदक मिळवले. सांस्कृतिक कार्यक्रमात कॅडेट अक्षरा गिरी आणि राखी बोराटे यांनी तृतीय क्रमांकासह कांस्य पदक पटकावले, तर संतोषी तापडिया हिने सोलो डान्समध्ये तृतीय क्रमांक मिळवून कांस्य पदकावर आपले नाव कोरले.  

क्रीडा क्षेत्रातही विद्यालयाच्या कॅडेट्सनी आपला ठसा उमटवला. कॅडेट आयेशा शेख हिने खो-खो खेळात उत्कृष्ट कामगिरी करत रौप्य पदक प्राप्त केले. (CATC Camp Victory) कॅम्पमधील सर्वोच्च सन्मान 'बेस्ट कॅडेट' हा पुरस्कार कॅडेट तन्वी सरकटे हिला प्रदान करण्यात आला. कर्नल रेड्डी यांच्या हस्ते तन्वीला सुवर्ण पदक देऊन गौरविण्यात आले. या यशाबद्दल विद्यालयाच्या मुख्याध्यापिका, शिक्षकवृंद आणि पालकांनी सर्व विजेत्या कॅडेट्सचे अभिनंदन केले असून त्यांच्या पुढील वाटचालीस शुभेच्छा दिल्या आहेत.