हिंगोली (All India Literary Council) : अखिल भारतीय साहित्य परिषद पुरस्कृत, साहित्य भारतीची नुकतीच हिंगोली जिल्हा कार्यकारीणी जाहीर करण्यात आली.त्यात जिल्हाध्यक्षपदी संतसाहित्याचे अभ्यासक प्रा.डॉ.ज्ञानेश्वर गाडे, संघटन मंत्रीपदी उत्कृष्ट गायक गंगाधर जाधव,कार्याध्यक्षपदी प्रसिद्ध कीर्तनकार शि.भ.प शिवशरण गुरुजी रटकलकर, मंत्रीपदी आदर्शशिक्षक हभप कुंडलिक शिंदे,उपाध्यक्षपदी रामकृष्ण जाधव,कार्यालय प्रमुखपदी बालाजी जगताप, कोषाध्यक्षपदी भागवत जगताप,वाचक प्रतिनिधीपदी डॉ.कीर्ती पाटील/यशवंते, लोकसाहित्य प्रमुखपदी प्रा.शिवाजी वरड,प्रा.डॉ.मारोती कऱ्हाळे,बालसाहित्य प्रमुखपदी प्रा.डॉ.अंजली टापरे,युवा साहित्यप्रमुख पदी डॉ.गजानन पोले,रामेश्वर नेहुल,समाज माध्यम प्रमुखपदी प्रा.छाया गाडे तर महिला साहित्यप्रमुख पदी कवयित्री प्रज्ञा कुलकर्णी यांची निवड करण्यात आली आहे.
त्याचबरोबर साहित्य भारतीच्या (All India Literary Council) हिंगोली जिल्हा सल्लागार व सदस्य समितीत प्रा.धाराशिव शिराळे,जनार्दन पाटील सुरजखेडकर,डॉ.संजय नाकाडे,डॉ.प्रकाश अंभोरे, प्रा.मुरलीधर जायभाये,प्रा.राम तोडकर,शि.भ. प.प्रवीण व्यवहारे,पत्रकार शिवाजीराव कऱ्हाळे,श्रीमती अर्चनाताई मेटे, श्रीमती सुवर्णाताई रामपूरकर, अमोल आढळकर,प्रा.रमेश झाडे इत्यादी सदस्य यांच्या निवडी करण्यात आल्या आहेत.
नूतन जिल्हा कार्यकारीणीच्या माध्यमातून यापुढे हिंगोली जिल्ह्यात साहित्य चळवळीला नवसंजीवनी मिळेल,नवोदित साहित्यिकांना एक व्यासपीठ उपलब्ध होईल.त्याचबरोबर साहित्य, भाषा, संस्कृती, नीतिमूल्ये,पर्यावरण विचाराचे जतन व संवर्धन करून वाचन संस्कृती अधिक बळकट करण्यासाठी विविध उपक्रम राबविण्यात येतील. असा विश्वास यावेळी व्यक्त करण्यात आला. या जिल्हा कार्यकारीणीच्या निवडीबद्दल प्रदेश संघटनमंत्री नितीन केळकर,प्रदेश कार्याध्यक्ष शशिकांत घासकडवी,प्रदेश उपाध्यक्ष डॉ. रवींद्र बेंबरे त्याचबरोबर देवगिरी प्रांत अध्यक्ष प्रा. डॉ. सर्जेराव जिगे, कार्याध्यक्ष उमेश काळे, प्रांत महामंत्री युवराज नळे, उपाध्यक्ष प्रा. डॉ. राजीव यशवंते आदींनी जिल्हा कार्यकारीणीचे अभिनंदन करुन शुभेच्छा दिल्या.यानिमित्ताने नूतन जिल्हा कार्यकरीणीचे जिल्हाभर कौतुक केल्या जात आहे.