Revenue sports competition: परभणीत शुक्रवारपासून महसूल विभागाच्या वतीने विभागीय क्रीडा व सांस्कृतिक स्पर्धा सुरू होणार आहेत. अधिकारी व कर्मचारी यात सहभागी होत आहेत.
हिंगोली (Revenue sports competition) : दर वर्षी प्रमाणे यंदाही महसूल विभागाच्या वतीने घेण्यात येणाऱ्या विभागीय महसूल क्रीडा व सांस्कृतिक स्पर्धा शुक्रवार पासून परभणी येथे सुरु होणार आहेत. त्यामुळे गुरुवारी हिंगोली जिल्ह्यातील महसूल विभागाचे अधिकारी, कर्मचारी सहभागी होण्यासाठी गुरुवारी दुपारी परभणी कडे रवाना झाले. तत्पूर्वी जिल्हाधिकारी राहुल गुप्ता यांनी महसूल संघाला हिरवी झेंडी दाखवली. महसूल अधिकारी, कर्मचाऱ्यांना वर्षभर कामकाज करावे लागते, यातून त्यांना अधिक कामे करताना चेतना, ऊर्जा मिळावी यासाठी विभागीय स्तरावरून सांस्कृतिक, क्रीडा स्पर्धाचे आयोजन केले जाते. त्यानुसार यावर्षी ता. 3 ते 4 एप्रिल या कालावधीत परभणी येथे विभागीय स्पर्धेचे आयोजन केले आहे.
यामध्ये अधिकारी, कर्मचारी सांघिक व वयक्तिक स्पर्धेत सहभागी होणार आहेत. दरम्यान, काही दिवसापूर्वी जिल्हाधिकारी राहुल गुप्ता , अप्पर जिल्हाधिकारी महेंद्रकुमार कांबळे, यांच्या मार्गदर्शनाखाली उपजिल्हाधिकारी अनिल माचेवाड, निवासी उपजिल्हाधिकारी अभिमन्यू बोधवड, मंजुषा मुथा, अप्पासाहेब पाटील, चोंढेकर यांच्यासह उपविभागीय अधिकारी प्रतीक्षा भुते, माने, समाधान घुटूकडे , तहसीलदार श्रीकांत भुजबळ, शारदा दळवी, जीवक कुमार कांबळे, सखाराम मांडवगडे, नायब तहसीलदार सचिन जोशी, भालेराव आदिनी विभागीय स्पर्धेत सहभागी कलावंताची निवड चाचणी घेतली. यातील उत्कृष्ठ कलावांताची विभागीय स्पर्धेसाठी निवड झाली.
आता हे खेळाडू, कलावंत विभागीय स्पर्धेत जिल्ह्याला बक्षीस मिळवून देतील अशी आशा व्यक्त केली जात आहे. विभागात टॉप वन मध्ये आणला जाईल अशी प्रतिक्रिया काही खेळाडूंनी दिली. दरम्यान, परभणी येथे होणाऱ्या विभागीय महसूल क्रीडा व सांस्कृतिक स्पर्धेत क्रिकेट, महिला टर्फ क्रिकेट, फुटबॉल, कबड्डी, खोखो, पुरुष, महिला, व्होली्बॉल, या सांघिक खेळासह बुद्धिबळ, कॅरम, बॅडमिंटन, लॉन टेनिस, एकेरी, दुहेरी, 100 मिटर, 200 मिटर, 400 मिटर धावणे, थाळी फेक, भाला फेक, गोळा फेक, लांब उडी, उंच उडी आदींचा समावेश आहे.