(Viral Proposal) टीव्ही इंडस्ट्रीतील लोकप्रिय जोडी कारण कुंद्रा आणि तेजस्विनी प्रकाश पुन्हा एकदा चर्चेत आली आहे. ‘बिग बॉस १५’पासून सुरू झालेली या दोघांची लव्हस्टोरी आता नव्या टप्प्यावर पोहोचल्याचे दिसत आहे. नुकत्याच एका शोदरम्यान करण कुंद्राने तेजस्वी प्रकाशला अत्यंत रोमँटिक अंदाजात प्रपोज केल्याचा व्हिडिओ सोशल मीडियावर तुफान व्हायरल झाला आहे.
‘देसी ब्लिंग’ या शोमध्ये करणने तेजस्वीसमोर प्रेम व्यक्त करत खास अंदाजात तिला प्रपोज केले. या व्हिडिओनंतर चाहत्यांकडून ‘तेजरान’ जोडीवर कौतुकाचा वर्षाव होत असून, “लग्न कधी?” असा प्रश्नही पुन्हा चर्चेत आला आहे.
मात्र, या आनंदाच्या क्षणातच करण कुंद्राची एक्स-गर्लफ्रेंड अनुष्का दांडेकर हिच्या एका क्रिप्टिक पोस्टने सोशल मीडियावर नवा वाद निर्माण केला आहे. करण आणि तेजस्वीच्या प्रपोजलचा व्हिडिओ व्हायरल झाल्यानंतर काही वेळातच अनुषाने इन्स्टाग्राम स्टोरीवर “I AM THANKING GOD!!! #iykyk” अशी पोस्ट शेअर केली.
अनुषाने पोस्टमध्ये कोणाचेही नाव घेतले नसले तरी, ही पोस्ट नेमकी प्रपोजलनंतर आल्यामुळे नेटकऱ्यांनी तिचा संबंध थेट करण-तेजस्वीशी जोडला. काही मिनिटांतच तिच्या पोस्टचे स्क्रीनशॉट सोशल मीडियावर व्हायरल झाले.
या पोस्टनंतर सोशल मीडियावर दोन गट पडल्याचे पाहायला मिळत आहे. काही युझर्सनी ही अनुषाची अप्रत्यक्ष प्रतिक्रिया असल्याचे म्हटले, तर काहींनी तिच्यावर टीका करत “इतकी वर्षे उलटल्यानंतरही ती अजून करणच्या आयुष्याबद्दल प्रतिक्रिया का देते?” असा सवाल उपस्थित केला.
विशेष म्हणजे, करण आणि अनुषा हे २०१५ मध्ये रिलेशनशिपमध्ये होते. त्या काळात टीव्ही इंडस्ट्रीतील सर्वाधिक चर्चित कपल्सपैकी त्यांची गणना केली जायची. मात्र, काही वर्षांनंतर त्यांचे ब्रेकअप झाले. त्यानंतर करणच्या आयुष्यात तेजस्वी प्रकाशची एन्ट्री झाली, तर अनुषा देखील आपल्या आयुष्यात पुढे गेली.
आता करण कुंद्राने तेजस्वीला प्रपोज करून त्यांच्या नात्याला अधिकृत स्वरूप दिल्याचे मानले जात असताना, अनुषाच्या ‘थँकिंग गॉड’ पोस्टमुळे सोशल मीडियावर जुन्या नात्यांची पुन्हा चर्चा रंगताना दिसत आहे.
