महाराष्ट्रात पुढील 5 दिवस मेघगर्जना आणि जोरदार पाऊस; काही जिल्ह्यांत 'ऑरेंज अलर्ट'

मुंबई (Maharashtra Heavy Rain) : मुंबई वेधशाळेने दिलेल्या पुढील 5 दिवसांच्या हवामान अंदाजानुसार राज्यातील अनेक जिल्ह्यांमध्ये मेघगर्जनेसह पावसाची शक्यता आहे. काही जिल्ह्यांना 'यलो' तर काहींना 'ऑरेंज अलर्ट' जारी करण्यात आला आहे. मात्र, सुदैवाने 'रेड अलर्ट' कोणत्याही जिल्ह्याला नाही.

कसा असेल पुढील 5 दिवसांचा अंदाज?

1. रविवार, 31 मे 2026: मुंबई शहर, मुंबई उपनगर, ठाणे, पालघर, रायगड, रत्नागिरीसह विदर्भ आणि मराठवाड्यातील अनेक जिल्ह्यांत विजांच्या कडकडाटासह पावसाचा 'यलो अलर्ट' देण्यात आला आहे. तर नंदुरबार, धुळे, नाशिक, जळगाव, छ. संभाजीनगर, जालना, बुलढाणा, अकोला, अमरावती, यवतमाळ, वर्धा, चंद्रपूर या जिल्ह्यांत वादळी पाऊस आणि उष्णतेच्या लाटेचा 'ऑरेंज अलर्ट' आहे.

2. सोमवार, 1 जून 2026: मुंबई, ठाणे, पालघर, रायगड, पुणे, सातारा घाट, कोकण आणि विदर्भ-मराठवाड्यातील बहुतांश जिल्ह्यांत 'यलो अलर्ट' (Maharashtra Heavy Rain) कायम राहणार आहे. धुळे, नाशिक, छ. संभाजीनगर, जालना, भंडारा, गोंदिया येथे 'ऑरेंज अलर्ट'.

3. मंगळवार, 2 जून 2026: मुंबईसह ठाणे, पालघर, रायगड, पुणे, नाशिक, नंदुरबारपर्यंतच्या जिल्ह्यांत वादळी पावसाचा 'यलो अलर्ट'. या दिवशी कोणत्याही जिल्ह्याला 'ऑरेंज अलर्ट' नाही.

4. बुधवार, 3 जून 2026: रत्नागिरी, रायगड, ठाणे, पालघर, नाशिक, धुळे, नंदुरबार, छ. संभाजीनगर, वर्धा, चंद्रपूर, गडचिरोली, गोंदिया या जिल्ह्यांत 'यलो अलर्ट'. 'ऑरेंज' व 'रेड अलर्ट' नाही.

5. गुरुवार, 4 जून 2026: रत्नागिरी, रायगड, पालघर, नाशिक, धुळे, नंदुरबार, गडचिरोली, चंद्रपूर या 9 जिल्ह्यांतच 'यलो अलर्ट' उरणार आहे. राज्यातील इतर जिल्ह्यांत स्थिती सामान्य राहील.

नागरिकांसाठी सूचना:
हवामान खात्याने मेघगर्जनेसह पाऊस (Maharashtra Heavy Rain) आणि वीज कोसळण्याची शक्यता वर्तवली आहे. त्यामुळे नागरिकांनी दुपारनंतर घराबाहेर पडताना काळजी घ्यावी. शेतकऱ्यांनी शेतमालाची योग्य काळजी घ्यावी. पुढील 2 दिवस उत्तर महाराष्ट्र व विदर्भातील काही जिल्ह्यांत उष्णतेची लाटही जाणवू शकते.