लखनौमधील कोचिंग इन्स्टिट्यूटला भीषण आग; 14 जणांचा मृत्यू, अनेक जखमी

लखनौ (Lucknow Aliganj Coaching Fire) : उत्तर प्रदेशची राजधानी लखनौमधील अलिगंजच्या पूर्णिया/सेक्टर डी परिसरात आज दुपारी भीषण आग लागली. तीन मजली इमारतीला लागलेली ही आग खालच्या मजल्यावरील एका दुकानातून सुरू झाली आणि वरच्या मजल्यावरील कोचिंग इन्स्टिट्यूट व गेमिंग स्टुडिओला तिने आपल्या कवेत घेतले.

या दुर्घटनेत चौदा जणांचा मृत्यू झाल्याची माहिती आहे, तर सात जणांचे मृतदेह केजीएमयू ट्रॉमा सेंटरमध्ये नेण्यात आले आहेत. अनेक विद्यार्थ्यांनी जीव वाचवण्यासाठी वरच्या मजल्यांवरून उडी मारण्याचा प्रयत्न केला, ज्यात एक विद्यार्थी गंभीर जखमी झाला. या (Lucknow Aliganj Coaching Fire) घटनेमुळे केवळ लखनौमध्येच नव्हे, तर संपूर्ण उत्तर प्रदेशातील कोचिंग इन्स्टिट्यूटच्या अग्निसुरक्षेवर प्रश्नचिन्ह निर्माण झाले आहे.

शॉर्ट सर्किट किंवा इतर काही कारणामुळे तळमजल्यावरील एका दुकानात प्रथम आग लागली. (Lucknow Aliganj Coaching Fire) आगीच्या ज्वाला वेगाने वरच्या मजल्यांवर पसरल्या. दाट धूर आणि आगीच्या ज्वाळांनी संपूर्ण इमारत व्यापली. आत असलेले विद्यार्थी आणि कर्मचारी बाहेर पडण्यासाठी धडपडत होते. काही विद्यार्थी खिडक्या आणि छतांवरून उड्या मारून निसटले. एका विद्यार्थ्याने पहिल्या मजल्यावरून उडी मारली, पण तो खाली असलेल्या जाळीवर पडून गंभीर जखमी झाला. स्थानिकांनी त्याला तात्काळ उचलून रस्त्याच्या पलीकडे नेले.

आलमबाग येथील पीडित वडील, प्रभजोत सिंग म्हणाले की, "माझा मुलगा येथे ॲनिमेशन आर्टिस्ट म्हणून काम करत होता. पहाटे त्याने फोन करून सांगितले, 'बाबा, कृपया आम्हाला मदत करा, इथे आग लागली आहे.' मी तातडीने घटनास्थळी पोहोचलो, पण माझा मुलगा अजूनही सापडला नाही." घटनास्थळी अशा अनेक कहाण्या ऐकू येत आहेत. या घटनेची माहिती मिळताच, उपमुख्यमंत्री ब्रजेश पाठक यांनी स्वतः घटनास्थळी धाव घेतली आणि बचाव कार्यावर देखरेख केली. मुख्यमंत्री योगी आदित्यनाथ (CM Yogi Adityanath) यांनी तात्काळ दखल घेतली आणि अधिकाऱ्यांना बचाव कार्याला गती देण्याचे, (Lucknow Aliganj Coaching Fire) जखमींवर सर्वोत्तम उपचार करण्याचे आणि संपूर्ण घटनेची चौकशी करण्याचे निर्देश दिले.

एसडीआरएफचे पथकही या कामात सामील झाले. (Lucknow Aliganj Coaching Fire) आग विझवण्याचे आणि कुलिंगचे काम रात्री उशिरापर्यंत सुरू होते. काही वृत्तांनुसार, अजूनही काही लोक आत अडकले असण्याची शक्यता आहे, त्यामुळे शोधमोहीम सुरू आहे. पंतप्रधानांनी पंतप्रधान राष्ट्रीय मदत निधीतून प्रत्येक मृताच्या कुटुंबीयांना 2 लाख रुपये आणि जखमींना 50,000 रुपयांची सानुग्रह मदत जाहीर केली आहे. निधी (PMNRF) बचाव आणि मदत कार्य सुरू असून, प्रशासन घटनास्थळी उपस्थित आहे.