ऑगस्ट 2026 मध्ये बँकेशी संबंधित कामे करण्याचा विचार करत असाल, तर आधी सुट्ट्यांचे वेळापत्रक तपासणे आवश्यक ठरणार आहे.
स्वातंत्र्यदिन, राखी, ईद-ए-मिलाद, ओणमसह सण आणि शनिवार-रविवारमुळे अनेक दिवस शाखा बंद; ऑनलाइन बँकिंग सेवा मात्र सुरू राहणार
मुंबई: ऑगस्ट 2026 मध्ये बँकेशी संबंधित कामे करण्याचा विचार करत असाल, तर आधी सुट्ट्यांचे वेळापत्रक तपासणे आवश्यक ठरणार आहे. भारतीय रिझर्व्ह बँकेने (RBI) जाहीर केलेल्या अधिकृत सुट्टीच्या यादीप्रमाणे, विविध सण, प्रादेशिक उत्सव तसेच शनिवार-रविवारच्या नियमित सुट्ट्यांमुळे देशभरातील बँका एकूण 14 दिवस बंद राहणार आहेत. मात्र, या काळात युपीआय (UPI), इंटरनेट बँकिंग, मोबाईल बँकिंग, एटीएम, डेबिट कार्ड सेवा, ऑनलाइन फंड ट्रान्सफर आणि बिल पेमेंट या डिजिटल सुविधा पूर्ववत सुरू राहतील.
ऑगस्ट 2026 मधील बँक सुट्ट्यांची यादी
2 ऑगस्ट (रविवार)
साप्ताहिक सुट्टी असल्याने देशभरातील सर्व बँका बंद राहतील.
4 ऑगस्ट (मंगळवार)
'केर पूजा' निमित्त आगरतळा (त्रिपुरा) येथील बँका बंद राहतील. इतर राज्यांमध्ये कामकाज सुरू राहील.
8 ऑगस्ट (शनिवार)
महिन्याचा दुसरा शनिवार असल्याने देशभरातील सर्व बँका बंद राहतील. याच दिवशी गंगटोक (सिक्कीम) येथे 'टेंडोंग ल्हो रुम फाट' (Tendong Lho Rum Faat) निमित्तही सुट्टी असेल.
9 ऑगस्ट (रविवार)
साप्ताहिक सुट्टीमुळे देशभरातील सर्व बँका बंद राहतील.
13 ऑगस्ट (गुरुवार)
'पॅट्रियट्स डे' (देशभक्त दिन) निमित्त इम्फाळ (मणिपूर) येथील बँका बंद राहतील.
15 ऑगस्ट (शनिवार)
स्वातंत्र्यदिनानिमित्त देशभरातील सर्व बँकांना सुट्टी असेल.
16 ऑगस्ट (रविवार)
साप्ताहिक सुट्टीमुळे सर्व बँका बंद राहतील.
19 ऑगस्ट (बुधवार)
महाराजा बीर बिक्रम किशोर माणिक्य बहादूर यांच्या जयंतीनिमित्त आगरतळा (त्रिपुरा) येथे बँका बंद राहतील.
22 ऑगस्ट (शनिवार)
महिन्याचा चौथा शनिवार असल्याने देशभरातील सर्व बँकांना सुट्टी असेल.
23 ऑगस्ट (रविवार)
रविवारच्या साप्ताहिक सुट्टीमुळे सर्व बँका बंद राहतील.
25 ऑगस्ट (मंगळवार)
कोची आणि तिरुवनंतपुरम (केरळ) तसेच विजयवाडा (आंध्र प्रदेश) येथे ईद-ए-मिलाद (मिलाद-उन-नबी) आणि प्रथम ओणम निमित्त बँका बंद राहतील.
26 ऑगस्ट (बुधवार)
बेलापूर, मुंबई, नागपूर (महाराष्ट्र), बेंगळुरू (कर्नाटक), भोपाळ (मध्य प्रदेश), चेन्नई (तामिळनाडू), डेहराडून (उत्तराखंड), हैदराबाद (तेलंगणा), इम्फाळ (मणिपूर), जम्मू आणि श्रीनगर (जम्मू-काश्मीर), कानपूर आणि लखनौ (उत्तर प्रदेश), कोची आणि तिरुवनंतपुरम (केरळ), नवी दिल्ली, पाटणा (बिहार), रायपूर (छत्तीसगड) आणि रांची (झारखंड) येथे ईद-ए-मिलाद (बारावफत), तिरुवोनम आणि इतर स्थानिक सणांमुळे बँकांना सुट्टी असेल.
28 ऑगस्ट (शुक्रवार)
अहमदाबाद (गुजरात), भोपाळ (मध्य प्रदेश), डेहराडून (उत्तराखंड), गंगटोक (सिक्कीम), जयपूर (राजस्थान), जम्मू आणि श्रीनगर (जम्मू-काश्मीर), कानपूर आणि लखनौ (उत्तर प्रदेश), कोची आणि तिरुवनंतपुरम (केरळ) येथे नारायण गुरु जयंती, अय्यंकाळी जयंती आणि पांग-लबसोल निमित्त बँका बंद राहतील.
30 ऑगस्ट (रविवार)
रविवार असल्याने देशभरातील सर्व बँका बंद राहतील.
डिजिटल सेवा सुरूच राहणार
बँकांच्या शाखा बंद असल्या तरी युपीआय, इंटरनेट बँकिंग, मोबाईल बँकिंग, एटीएम, डेबिट कार्ड, ऑनलाइन फंड ट्रान्सफर आणि बिल पेमेंट यांसारख्या सर्व डिजिटल सुविधा नियमितपणे उपलब्ध राहतील. त्यामुळे ऑनलाइन व्यवहारांवर कोणताही परिणाम होणार नाही.