परभणीत जबरी चोरीचा बनाव अवघ्या काही तासात उघड

स्थानिक गुन्हे शाखेची कारवाई; आरोपीजवळून रोख साडे तीन लाख जप्त...?

परभणी (Parbhani Force Robbery) : मानवत रोड ते पेडगाव दरम्यान घडलेल्या जबरी चोरीच्या घटनेची स्थानिक गुन्हे शाखेने उकल केली आहे. सदर घटना बनाव असल्याचे अवघ्या काही तासात उघडकीस आणण्यात पोलिसांना यश आले. स्थागुशाने एका आरोपीला अटक केली आहे. तसेच साडे तीन लाख रुपये रोख आणि मोबाईल मिळून ४ लाखाचा मुद्देमाल जप्त केला आहे.

परभणी ग्रामीण पोलिसात प्रथमेश शहाणे याने माहिती दिली होती. तो दहिवाल ज्वेलर्स परतुर येथे कामगार असून दुकान मालकाने त्याच्याकडे सात लाख रुपये रोख रक्कम दिली होती. ही रक्कम घेऊन दुचाकीने परतुर सेलू मार्गे परभणीला येत असताना मानवत रोड ते पेडगाव दरम्यान लघुशंकेसाठी थांबला. यावेळी चार अज्ञात इसमांना चाकुचा धाक दाखवून त्याच्याजवळील रक्कम बळजबरीने लुटली. (Parbhani Force Robbery) घटनेचे गांभिर्य लक्षात घेत पोलीस अधीक्षकांनी स्थानिक गुन्हे शाखेला तपासाच्या सूचना दिल्या. पोनि. गजेंद्र सरोदे यांच्या पथकाने घटनास्थळी भेट देवून तपास सुरू केला. या तपासात माहिती देणार्‍यानेच आपल्या साथीदारांच्या मदतीने जबरी चोरीचा बनाव रचल्याचे समोर आले.

तपासा दरम्यान तीन आरोपी निष्पन्न झाले. पोलिसांनी इमरान शेख याला ताब्यात घेऊन त्याच्या जवळून रोख साडे तीन लाख रुपये आणि एक मोबाईल मिळून चार लाख रुपयांचा मुद्देमाल जप्त केला. ही (Parbhani Force Robbery) कारवाई पोनि. गजेंद्र सरोदे यांच्या नेतृत्वात पोउपनि. चंदनसिंह परिहार, गणेश सवंडकर, पोलीस अंमलदार विलास सातपुते, केशव लटपटे, रणजीत आगळे, सुर्यकांत फड, रंगनाथ दुधाटे, महेश कौठाळे, राहुल परसोडे, सचिन भदर्गे, शरद सावंत, दिलीप निलपत्रेवार, माणिक वाघ, विष्णू चव्हाण, बालाजी रेड्डी, गणेश कौटकर, हनुमान ढगे, निलेश परसोडे, उत्तम होते, शारेक मोहम्मद, सुर्यकांत सातपुते यांच्या पथकाने केली.